१४ साउन , एजेन्सी ।
ताइवान र चीनबीचको तनाव अन्त्य हुने कुनै संकेत देखिएको छैन। सोमबार बिहान ६ बजेसम्म १६ चिनियाँ विमान, १४ वटा पिपुल्स लिबरेसन आर्मी नेभी र एउटा जहाज ताइवान सीमानजिकै पुगेको ताइवानले जनाएकोछ ।
ताइवानको रक्षा मन्त्रालयले ताइवान स्ट्रेट नजिक चिनियाँ सेनाको गतिविधिमा अचानक वृद्धि भएको जनाएको छ। मन्त्रालयका अनुसार १३ वटा पीएलए विमान मध्य रेखा पार गरेर ताइवानको उत्तरी, मध्य, दक्षिणपश्चिमी र पूर्वी वायु रक्षा पहिचान क्षेत्र (एडीआईजेड) मा प्रवेश गरेका छन्।
ताइवानी सेनाले स्थितिलाई नजिकबाट निगरानी गरेको र घुसपैठलाई तुरुन्तै प्रतिक्रिया दिएको बताएको छ । मन्त्रालयले अवस्थालाई नजिकबाट नियालिरहेको आश्वासन दिएको छ ।
ताइवानको एडीआईजेडमा पिएलए सैन्य विमान र जहाजहरूको प्रवेशले यस क्षेत्रमा तनाव बढेको छ । यसले ताइवान र चीन बीचको भूराजनीतिक तनावलाई प्रतिबिम्बित गरेको छ ।
यसअघि आइतवार जुलाई २८ मा ताइवानको राष्ट्रिय रक्षा मन्त्रालयले आफ्नो इलाका नजिकै नौवटा प्लान जहाजहरू देखेको बताएको थियो। ताइवान र चीनबीच सधैँ विवाद रहँदै आएको छ ।
बेइजिङले ताइवानलाई छुट्टै प्रान्तको रूपमा हेर्छ र टापुमाथि सार्वभौमसत्ता दाबी गर्छ। बढ्दो खतराको बीचमा, ताइवानले जुलाई २२ देखि हान कुआङ नामक सैन्य अभ्यास सुरु गरेको छ।
ताइवान स्ट्रेटमा बढ्दो तनावको बीचमा चीनले आफ्नो सैन्य उपस्थिति बढाएको छ र यस क्षेत्रमा बारम्बार अभ्यासहरू गरिरहेको छ । उता अमेरिकाले ताइवानको सुरक्षामा आफू कटिबद्ध रहेको बताउँदै आएको छ ।
चिनियाँ राष्ट्रपति सी जिनपिङले भने ताइवान आफ्नो क्षेत्र भएको भन्दै कुनैपनि समय शान्तिपूर्ण कदमबाट मुख्य भूमिमा विलय गराउने बताउदै आएका छन् ।
