१४ भदौ, विराटनगर ।
फिफा विश्वकप २०१८ को विजेता फ्रान्सले युइएफए नेसन्स लिगका लागि प्रारम्भिक टोलीको घोषणा गरेको छ । बिहीबार मुख्य प्रशिक्षक डिडियर डेशच्याम्पले सार्वजनिक गरेको फ्रान्सेली टोलीमा २३ खेलाडी अटाएका छन् ।
फ्रान्सको टिममा रियल मड्रिडका स्टार खेलाडी किलियन एम्बाप्पे, एट्लेटिक मड्रिडका एन्टोइन ग्रिजम्यान, पिएसजीका ओसमान डेम्बेलेलगायत खेलाडी समावेश छन् ।
फ्रान्सले ६ सेप्टेम्बरमा इटालीसँग खेल्दै चौथो संस्करणको नेसन्स लिगको थालनी गर्ने छ । त्यसको तीन दिनपछि हुने अर्को खेलमा भने फ्रान्सले बेल्जियमसँग खेल्ने छ ।
फ्रान्स सन् २०२०-२१ को युइएफए नेसन्स लिगको विजेतासमेत हो । उसले त्यसबेला स्पेनलाई हराउँदै उपाधि उचालेको थियो । त्यसभन्दा अघिल्लो संस्करणमा भने नेदरल्यान्ड्सलाई हराउँदै पोर्चुगलले उपाधि जितेको थियो ।
अघिल्लो संस्करणमा भने क्रोएसियामाथि पेनाल्टीमा जित निकालेको स्पेनले नेसन्स लिगको उपाधि जितेको थियो ।
