२६ भदौ, एजेन्सी ।
पोर्चुगिज स्टार खेलाडी क्रिस्टियानो रोनाल्डोले इंग्लिस क्लब म्यानचेस्टर युनाइटेड छोडेको २२ महिना भयो । सन् २०२१ अगस्टमा दोस्रो पटक युनाइटेडमा आबद्ध भएका उनले ओल्ड ट्राफोर्डमा दोस्रो इनिङमा १३ महिना खेले ।
सन् २०२२ को नोभेम्बरमा क्लब छोडेका उनले अघिल्लो वर्षको सुरुदेखि साउदी अरेबियन क्लब अल नासरबाट खेल्न थालेका हुन् । ३९ वर्षीय रोनाल्डोले नासरबाटै खेल्न थालेको १८ महिना भयो ।
यसबीचमा उनी युनायटेडको दोस्रो इनिङलाई लिएर असन्तुष्ट बनेका छन् । विशेषगरी युनाइटेडका प्रशिक्षक एरिक टेन ह्यागले आफूलाई हौसला प्रदान नगरको रोनाल्डोको गुनासो छ ।
‘जब म युनाइटेड फर्किएको थिएँ, म त्यसबेला धेरै खुसी थिए,’ रियो फेर्डिनेन्डसँग फाइभ युकेमा कुराकानी गर्दै उनले भनेका छन्, ‘म उत्कृष्ट गोलकर्तामध्येको एक थिएँ । मैले क्लबमा अविश्वसनीय प्रदर्शन गरेकै थिएँ । ३७ वर्षको उमेरमा म लिगकै तेस्रो उत्कृष्ट गोलकर्ता थिएँ ।’
राम्रै प्रदर्शन गरिरहँदा पनि प्रशिक्षक ह्यागले हौसला बढाउनुपर्नेमा हतोत्साहित बनाएको भन्दै उनी रिसाए । ‘युनाइटेडका प्रशिक्षक… प्रिमियर लिग वा च्याम्पियन्स लिगमा तिमी भिड्न सक्दैनौं भनेर निराश तुल्याउँथ,’ उनले थपे, ‘बरु, हामी प्रयास गरौं, तिमी पनि आफ्नो प्रयास जारी राख भन्नुपर्थ्यो । यदि, उनी नृदयी थिएनन् भने, उनले मलाई सहयोग गर्न सक्थे ।’
यसअघिका प्रशिक्षकहरूले आफूलाई विश्वास गरेर सहयोग गरेको पनि रोनाल्डोको भनाइ छ । एरिक टेन ह्यागसँग रहँदा रोनाल्डोले मात्र १६ खेल खेल्ने अवसर पाए, जसमाले उनले तीन गोल र दुई असिस्ट गरेका छन् ।
