२८ भदौ , काठमाण्डौ ।
मृत्यु शास्वत सत्य हो । तर मृत्यु कहाँ, कहिले र कस्तो अवस्थामा हुन्छ त्यो अनिश्चित छ । आज हामी नेपाल टाइम्स अनलाइन समाचारमा बागलुङमा भएको जिप दुर्घटनामा रुकुमपूर्वको पुथाउत्तरगंगा गाउँपालिका उपाध्यक्ष भुपेन्द्रा बुढासहित तीन जनाको मृत्यु भएको छ। जो आमासँगै उपचार गरेर काठमाडौंबाट घर फर्किएकी थिइन ।
रा १ झ २०० नम्बरको सरकारी गाडी आज बिहान पौने ९ बजेतिर बागलुङको गलकोट नगरपालिका वडा नम्बर २ भुङखानीमा दुर्घटना भएको थियो । उक्त गाडीमा पुथाउत्तरगंगा गाउँपालिका उपाध्यक्ष भुपेन्द्रा बुढा उनकी आमा र अर्का वडाध्यक्ष सवार थिए ।केही कर्मचारीहरु सवार थिए ।
बागलुङका प्रमुख जिल्ला अधिकारी नेत्रप्रसाद सुवेदीले दुर्घटनामा पुथाउत्तरगंगा गाउँपालिका उपाध्यक्ष भुपेन्द्रा बुढाको मृत्यु भएको बताएका छन् । रुकुम पूर्वका प्रमुख जिल्ला अधिकारी (प्रजिअ) माधव शर्माका अनुसार गाउँपालिका उपाध्यक्ष बुढा एक÷डेढ हप्ताअघि काठमाडौं आएकी थिइन् ।
काठमाडौंबाट फर्किने क्रममा उनी सवार गाडी बागलुङमा दुर्घटनामा परेको हो । दुर्घटनामा बुढाकी आमा ६१ वर्षीया गोपीमाया बुढा र वडा नम्बर २ का अध्यक्ष करिब ४० वर्षीय जसबहादुर श्रीपालीको पनि मृत्यु भएको गाउँपालिका अध्यक्ष पुनीराज घर्तीले बताएका छन् ।
दुर्घटनामा जिप चालक भूमे गाउँपालिका वडा नम्बर ३ का प्रेम पुन घाइते भएका छन्। उपाध्यक्ष बुढा दाँत दुख्यो भनेर उपचार गर्न काठमाडौं आएका थिइन् । उनले आमालाई पनि स्वास्थ्य परीक्षण गर्न सँगै लगेकी थिइन । वडाध्यक्ष श्रीपाली पनि कामकै सिलसिलामा काठमाडौं गएका थिए।
वडा नम्बर १, २ र ३ का अध्यक्षहरू योजना माग गर्न काठमाडौं गएको भए पनि अरू वडाध्यक्ष अर्कै सवारी साधनमा फर्किएका थिए। उपचार गराएर घर फर्कदै गरेका उपाध्यक्ष, उनकी आमा र वडा नम्बर २ का अध्यक्षको मृत्युको खबरले अहिले सिंगो पालिका मात्रै नभएको यो क्षेत्र नै शोकमा डुबेको स्थानीयले बताएका छन्।
उपाध्यक्ष र वडाध्यक्ष २०७९ को चुनावमा नेकपा (माओवादी केन्द्र) बाट निर्वाचित भएका थिए। दुर्घटनाको कारण खुल्न नसकेपनि चालक निदाएका कारण जिप दुर्घटनामा परेको हुन सक्ने अनुमान गरिएको छ ।
