२९ भदौ, एजेन्सी ।
साउदी प्रो-लिग टिम अल शबाबका कप्तान फहाद अल मुवाल्लाद बिहीबार बिहान बाल्कोनीबाट खसेर गम्भीर घाइते भएका छन् । शनिबार विज्ञप्ति जारी गर्दै अल शबाबले बाल्कोनीबाट खसेर गम्भीर घाइते भएका आफ्ना कप्तान मुवाल्लादको आइसियुमा राखेर उपचार भइरहेको जनाएको छ ।
साउदीका खेलाडी अल मुवाल्लादले गत मंगलबार विश्वकपको एसियन छनोटअन्तर्गत चीनसँगको खेल खेलेका थिए । चीनमा भएको उक्त खेलमा साउदी २-१ गोलले विजयीसमेत भएको थियो ।
हालै घर फर्किएका स्पेनिस क्लब लेभान्टेका पूर्वखेलाडीसमेत रहेका उनी आफ्नै घरको बाल्कोनीबाट खसेको साउदीका मिडियाहरूले जनाएका छन् । दुबईमा रहेको आफ्नो घरबाट खसेका उनको अवस्था गम्भीर छ ।
