विराटनगर ,कार्तिक १०
धेरै जसोको मनमा प्रश्न उठ्ने गर्छ, यदि गाईबाट प्राप्त हुने दूध शाकाहारी हुनसक्छ भने कुखुराबाट प्राप्त हुने अण्डा किन मांसाहारी ? एउटा रोचकको विषय यो छ कि, धर्तीमा पहिलोपटक अण्डा आयो कि कुखुरा आयो ? बैज्ञानिकहरुका अनुसार कुखुराको अण्डाशयमा ओवोक्लाइडिन नामक प्रोटिन पाइन्छ ।
जसले अण्डाको खोल निर्माणमा भूमिका खेल्छ र यो प्रोटिन बिना अण्डाको निर्माण असम्भव नै हुन्छ । यसकारण धर्तीमा पहिलो पटक कुखुरा नै आएको हो भन्नेमा वैज्ञानिकहरु विश्वस्त छन् ।
एक अनुसन्धानमा संलग्न शेफील्ड और वारविक विश्वविद्यालयका वैज्ञानिकहरुका अनुसार यस समूहले अंडाको खोललाई अत्याधुनिक कंप्यूटर हेक्टरको प्रयोग गरेर अध्ययन गरे पस्चात अंडा भन्दा कुुखुरा नै धर्तीमा पहिले आएको पत्ता लगाएका हुन् ।
ठीक यस्तै अर्को प्रश्न, अण्डा शाकाहारी कि मांशाहारी भन्ने रहेको छ । अनुशन्धानमा संलग्न वैज्ञानिकहरु शंका गर्छन यदि कुखुरा मांशाहारी भएका कारण अण्डा पनि मांशाहारी नै मानिन्छ भने गाई पनि मांशाहारी हो र दूध पनि मांशाहारी हुनुपर्ने हो ।
अण्डा मांशाहारी होइन
वैज्ञानिकहरुका अनुशार यदि तपाइहरुलाई लाग्छ कि अण्डाको भित्र यसको बच्चा हुन्छ त्यै भएर यो मांशाहारी हो भने तपाइ गलत हुनुहुन्छ । तपाइलाई लाग्छ कि अण्डा परिपक्व भएपछि यसबाट चल्ला जन्मन्छ यसकारण यो मांशाहारी हो भने थाहा पाइ राख्नुस, बजारमा पाइने अण्डा अनफर्टिलाइज्ड हुन्छन् ।
यिनिहरुबाट चल्ला जन्मिदैनन् । हामीहरु सबैलाई थाहा नै छ कि अण्डा तीन भागमा बाडिएको हुन्छ । बाहिरी भाग बोक्रा, सेतो भाग र पँहेलो भाग । बैज्ञानिकहरुका अनुसार अण्डाको सेतो भाग प्रोटिनबाट मात्र बनेको हुन्छ जसमा कुखुराको कुनैपनि भाग समावेश हुदैन । यसकारण अण्डाको सेतो भाग पूर्णतया शाकाहारी नै हो ।
अण्डको सेतो भाग जस्तै पँहेलो भागमा पनि प्रशस्त मात्रामा प्रोटीन, कोलेस्ट्रा‘ल र फ्याट मौजुद हुन्छ । तर यदि अण्डा फर्टिलाइज्ड हो भने त्यसमा ग्यामेट कोषहरु हुन्छन् जसले अण्डालाई मांशाहारी बनाउछ ।
के हो अनफर्टिलाइज्ड अण्डा ?
जब कुखुरा ६ महिनाको हुन्छ तब भाले संग सम्पर्कमा नआए पनि एक या डेढ दिनमा अण्डा दिन्छ भने त्यसलाई अनफर्टिलाइज्ड अण्डा भनिन्छ ।
अनफर्टिलाइज्ड र फर्टिलाइज्ड अण्डाको बिचमा यो फरक हुन्छ कि फर्टिलाइज्ड अण्डा अनफर्टिलाइज्ड अण्डाको तुलनामा बढि पँहेलो हुन्छ । यस्ता अण्डाबाट बच्चा जन्मिदैन यसकारण यी अण्डाहरु खान योग्य हुन्छन् अर्थात शाकाहारी हुन्छन् ।
एजेन्सीको सहयोगमा
