एजेन्सी, कात्तिक १०
फुटबलमा अब अतिरिक्त समयमा खेलाडी परिवर्तन गर्न नपाईने भएको छ ।हालसम्म ९० मिनेटको फुटबलमा त्यसपछि थपिएको अतिरिक्त समयमा खेलाडी परिवर्तन गरिँदै आएकोमा अब भने त्यसो नहुने भएको हो ।
अन्तर्राष्ट्रिय फुटबलमा अतिरिक्त समयमा खेलाडी परिवर्तन गर्न नपाइने गरी नयाँ नियम ल्याउनेबारे छलफल सुरु भएको जनाईएको छ ।एक अन्तर्राष्ट्रिय न्युज एजेन्सीका अनुसार सो नियमबारे अन्तर्राष्ट्रिय फुटबल एसोसिएसन बोर्ड (आईफ्याब) मा छलफल भएको हो ।
अतिरिक्त समयमा हुने खेलाडी परिवर्तन खास गरी समय बिताउनका लागि मात्रै गरिने भएकाले त्यसो गर्न नपाइने गरी नियम ल्याउन प्रारिम्भक छलफल थालिएको हो ।
यो सिजन इंग्लिस प्रिमियर लिगलाई हेर्दा मैदानमा एभरेजमा बल खेलिने समय ५५ मिनेट ९ सेकेन्ड मात्रै रहेको छ । यसको अर्थ जहाँ ५ प्रतिशत खेलाडी परिवर्तन ९० मिनेटभन्दा पछि नै हुने गरेका छन् ।
अग्रता जोगाउन या जितका लागि अधिकांश टोलीले समय बिताउन ९० मिनेटपछिको समयमा खेलाडी परितर्वन गर्ने गर्छन् ।
