काठमाडौँ,कात्तिक १५
चालु आर्थिक वर्षको पहिलो ३ महिनामा करिब साढे ८ हजार नयाँ कम्पनी दर्ता भएका छन् । कम्पनी रजिष्ट्रारको कार्यालयको तथ्याङ्क अनुसार उक्त अवधिमा ८ हजार ४२१ नयाँ कम्पनी दर्ता भएका हुन् ।
दर्ता भएका कम्पनीहरुमध्ये सबैभन्दा धेरै प्रदेश नम्बर ३ का छन् । सो प्रदेशमा सो अवधिमा ५ हजार ३७८ वटा दर्ता भएका छन् । त्यस्तै प्रदेश नम्बर १ मा ७०८, प्रदेश नम्बर २ मा ६५१, गण्डकी प्रदेशमा ५४४, प्रदेश नम्बर ५ मा ७३९, कर्णाली प्रदेशमा १८२ र सुदुरपश्चिम प्रदेशमामा २१९ वटा कम्पनी दर्ता भएका छन् ।
कम्पनी रजिष्ट्राको कार्यालयमा उक्त अवधिमा दर्ता भएका कम्पनीहरुमध्ये अधिकांश कम्पनी निजी छन् भने केही सामुदायिक, गैरनाफामूलक र विदेशी कम्पनी समेत छन् ।उक्त अवधिमा ८ हजार १७७ वटा निजी कम्पनी दर्ता भएकोमा प्रदेश नम्बर १ मा ६९४, प्रदेश नम्बर २ मा ६२७, प्रदेश नम्बर ३ मा ५२०५, गण्डकी प्रदेशमा ५३७, प्रदेश नम्बर ५ मा ७२३, कर्णाली प्रदेशमा १४७, सुदुर पश्चिम प्रदेशमा २१७ वटा छन् ।
सामुदायिक कम्पनी भने सातैवटा प्रदेशमा गरी जम्मा २९ वटा मात्र दर्ता भएका छन् । जसमा प्रदेश नम्बर १ मा १ वटा, प्रदेश नम्बर २, गण्डकी प्रदेश र ५ नम्बर प्रदेशमा ५र५ वटा, प्रदेश नम्बर ३ मा ११ र कर्णाली प्रदेशमा २ ओटा छन् भने सुदुरपश्चिम प्रदेशमा कुनै पनि कम्पनी दर्ता भएका छैनन् ।
गैरनाफामुलक कम्पनी भने उक्त समयमा कुल २ सय वटा दर्ता भएका छन् । जसमा प्रदेश नम्बर १ मा १३, प्रदेश नम्बर २ मा १९, प्रदेश नम्बर ३ मा १४७ वटा, गण्डकी प्रदेश र सुदुर पश्चिम प्रदेशमा २र२ वटा, प्रदेश नम्बर ५ मा ११ वटा, कर्णाली प्रदेशमा ६ वटा छन् ।चालु आवको पहिलो तीन महिनाको १५ वटा विदेशी कम्पनी पनि दर्ता भएका छन् । दर्ता भएका सबै विदेशी कम्पनी प्रदेश नम्बर ३ मा सञ्चालन हुनेछन् ।
कम्पनी रजिष्ट्रार कार्यलयका कम्पनी रजिष्ट्रार भुवनहरि आचार्यका अनुसार विदेशी कम्पनीबाहेक दर्ता भएका अन्य अधिकांश कम्पनीहरु यातायात व्यवसाय सम्वद्ध छन् । सरकारले यातायात व्यवसायीहरु समितिमार्फत् दर्ता हुने प्रावधान हटाई कम्पनीमा दर्ता हुने समयावधि मंसिरसम्म तोकेपछि नयाँ कम्पनी दर्तामा चाप देखिएको उनको भनाई छ।(विकास न्युजबाट)
