विरानगर,कात्तिक १९
नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले नेकपाको दुई तिहाईको अहिलेको सरकार असफल भएको खण्डमा देश असफल हुने बताएका छन् । उनले देश असफल हुनबाट बचाउन अहिलेको सरकार साना तिना भन्दापनि ऐतिहासिक जिम्मेवारीमा सरकार लागेको बताए ।
नेकपा मोरङले सोमबार विराटनगरमा शुभ दिपावलीको अबसरमा आयोजना गरेको चियापान कार्यक्रमलाई सम्बोधन गर्दै अध्यक्ष प्रचण्डले नेकपाको अहिलेको सरकारलाई जनताको आत्मसम्मान हुने गरी काम गर्ने अवसर युगले दिएको बताए ।
उनले भने– “युगले असिहलेको सरकारलाई ऐतिहासिक जिम्मेवारी पु्रा अवसर दिएको छ, त्यो अबसर पुरा गर्न अहिलेको सरकार सक्षम छ । हामी त्यो अभिभारा पुरा गर्न सक्छाँै,दुनियाँलाई नेपाल सुन्दर, सभ्य र समृद्ध नेपाल बनाएर एउटा नयाँ सन्देश दुनियाँलाई यो सरकारले दिनेछ ।”
उनले अहिलेको समयमा संघीय लोकतन्त्र गणतन्त्र अनुकुलको बनाउन ऐनहरु परिबर्तन गर्न जरुरी रहेको बताए । उनले अहिलेको अवस्थामा पुरानो ब्यवस्था परिवर्तनका लागि कर्मचारीहरु बाधक बनेको पनि बताए ।अध्यक्ष प्रचण्डले राजनीतिक नेतृत्वले अहिलेको ब्यवस्थाले जनताको हित गर्छ भनेर कर्मचारीहरुलाई बुझाउन र सिकाउन आवश्यक रहेको जानकारी दिए ।
“कर्मचारीहरुलाई तत्तकालिन राज्य सत्ताले दमन गर्न भनेर सिकाएको छ,ब्यवस्था परिबर्तनका लागि कर्मचारी लडेका थिएनन्”,अध्यक्ष प्रचण्डले भने “तर कर्मचारीले नेताहरुलाई सिकाउन थाल्ने अहिलेको परिपाटी छ,त्यसैले परिबर्तनलाई संस्थागत गर्न कर्मचारीलाई ब्यबस्थाको बारेमा सिकाउन र बुझाउन आवश्य छ ।”
उनले नेकपाको पार्टी एकता सप्रेकाहरुको मात्र नभएर बिग्रेकाहरुको एकतापनि भएको बताए । “पार्टीमा तपाई हामी कार्यकर्ताहरुको अहिले कार्यशैली,आचरण आत्माकेन्द्रित र ब्यक्तिवादी अलिक बढी भएर तपाई हामी बिग्रेका छौँ । यो पार्टी एकताको लागि मात्र एकता भएको हौइन,पार्टी एकतासँगै पार्टी नेतृत्व,कार्याकर्ताहरुको कार्यशैलीमा सुधार,आचार ब्यवहारमा सुधार बिचार भवनापनि सुधार गरी नँया ठाँउमा उठाउने खालको नँया ढंगको पार्टी निर्माण गर्न अहिलेको आवश्यकता छ ।”
अध्यक्ष प्रचण्डले बर्तमान सरकार दीर्घकालिन बिकासको योजना बनाएर अहिले काम गरिरहेको जानकारी दिए । उनले जनताले सडकको खाल्डा खुल्डी नपुरेको भन्दै गुनासो गर्ने गरेकोले त्यसलाई सम्बोधन गर्नपनि सरकार लागि परेको बताए ।
नेकपाका महासचिव बिष्णु पौडेलले नेकपाको नेतृत्वमा मात्र अहिलेको राजनीतिक परिर्वतन सम्भव भएको दाबी गरे । उनले यति ठुलो ब्यबस्था परिबर्तनको नेतृत्व गरेको नेकपाको सरकारले राजनीति परिर्वतनको माध्यमबाट समाजले गरेको अपेक्षा आर्थिक ,सामाजिक परिवर्तन अहिलेको सरकारले गर्नेमा कुनै अशंका नगर्न पनि आग्रह गरे ।
