विराटनगर जेठ १५,
नेपाल चीन बीचको सीमा नाका तातोपानी झण्डै ४ वर्ष ३ दिन पछि बुधवारबाट सञ्चालनमा आएको छ ।
१२ गते वैशाख २०७२ सालको विनाशकारी भूकम्पपछि चीनले तातोपानी नाका एकतर्र्फी बन्द गरेको थियो । नाका बुधवार बिहान दुई देशका उच्च अधिकारी सम्मिलित एक कार्यक्रमबीच खुला भएको हो ।
नेपाल र चीन सीमा नाका तातोपानी जोड्ने मितेरी पुलमा उद्योगमन्त्री मात्रिका यादव र चीनको स्वशासित क्षेत्र तिब्बत सरकारका उपमन्त्री तथा चिनियाँ राजदूतको उपस्थितिमा उनले बोकेका चारवटा मालवाहक ट्रक नेपालतर्फ पठाई उद्घाटन गरिएको हो ।
नाका सञ्चालनमा आए पनि तत्कालका लागि मालबाहक ट्रकमात्र आवात(जावत हुनेछन । मानिसहरुलाई आवत ( जावत गर्न भने तत्काल दिइने छैन । २०७२ को भूकम्पले ध्वस्त सो क्षेत्रमा अझै पनि जोखिम नटरेकाले मानिसहरुको आवात जावतमा तत्कालका लागि रोक लगाइने चिनियाँ अधिकारीहरुले बताए ।
चीनबाट सामान बोकेर आउने ट्रकहरु नाकाभन्दा झण्डै ७ किलोमिटर वर लार्चामा निर्माण गरिएको सुक्खा बन्दरगाहमा खोलिने छन् । र त्यहीँबाट व्यापारीहरुले आफ्ना सामान अन्यत्र ढुवानी गर्नेछन् ।चीनले तातोपानी नाका बन्द गरेपछि नेपाल र चीनबीचको रसुवास्थित नाका संचालन गरिएको थियो ।
