विराटनगर : मोरङका १७ वटै स्थानीय तहले आगामी आर्थिक वर्षका लागि बार्षिक नीति तथा कार्यक्रम र अनुमानित बजेट प्रस्तुत गरेका छन् । मंगलबार सबै स्थानीय तहले बार्षिक आयव्ययको अनुमान नगर तथा गाउँसभामा प्रस्तुत गरेका हुन् ।
सबैभन्दा बढी विराटनगर महानगरपालिकाले ५ अर्ब १२ करोड ३० लाख ९० हजार ५ सय रुपैँयाको बार्षिक बजेट अनुमान प्रस्तुत गरेको छ । महानगरपालिकाकी उपप्रमुख इन्दिरा कार्कीले वीरेन्द्र सभागृहमा आयोजित नगरसभा बैठकमा बजेट अनुमान प्रस्तुत गरेकी हुन् ।
नगरपालिका तर्फ सबैभन्दा बढी १ अर्ब ८ करोड वार्षिक बजेट सुन्दरहरैँचाले प्रस्तुत गरेको छ । लेटाङ नगरपालिका बजेटका आधारमा ५० करोड ८६ लाख रुपैँया विनियोजन लेटाङ नगरपालिकाले प्रस्तुत गरेको हो ।
त्यसैगरी गाउँपालिका तर्फ केराबारीको बार्षिक बजेट अनुमान ५० करोड बढी प्रस्तुत गरिएको छ भने सबैभन्दा कम बजेट कटहरी गाउँपालिकाको छ । त्यहाँ साढे ३४ करोड बार्षिक बजेट प्रस्तुत गरिएको हो ।,यो समाचार आजको उद्घोष दैनिकमा छापिएको छ ।
