एजेन्सी, असोज २५
अमेरिकी कम्पनी एप्पलको शेयर मूल्य बिहिबार २ सय ३० डलर नाघेको छ । यो सन् २०१९ कै उच्च विन्दु हो ।
आइफोन ११ को मागमा भएको वृद्धिको समाचार सार्वजनिक भएसँगै एप्पल कम्पनीको शेयर मूल्यमा डेढ प्रतिशतले बढोेत्तरी भएको छ ।
विश्लेषकहरुले आगामी दिनमा एप्पलको शेयर मूल्य निरन्तर उकालो लाग्ने प्रक्षेपण गरेका छन् । बजेट मूल्यको आइफोनप्रति खासगरी चिनिया प्रयोगकर्ताहरु बढि आकर्षित भएका कारण एप्पलले पछिल्लोपटक आइफोन ११ को उत्पादन बढाउने घोषणा गरेको थियो ।
एप्पलले आफ्ना आपूर्तिकर्तालाई आइफोन ११ को उत्पादन १० प्रतिशतले अर्थात् ८० लाख गोटाले वृद्धि गर्न आग्रह गरेको थियो । आइफोन ११ को सुपथ मूल्यसँगै उच्चस्तरको क्यामरा फिचर तथा धेरै कलर अप्सनका कारण उपभोक्ताहरुले यो सिरिजका आइफोन मन पराएका छन् ।
सन् २०२० भरमा गरी साढे १८ करोड गोटा आइफोन बिक्रि हुने एप्पलको प्रक्षेपण रहेको छ ।
