४ पुस, विराटनगर । विराटनगर हेल्पिङ्ग हेन्डस नामक अभियानले आज विराटनगरको महिला जागृति तथा वृदाश्रममा रहेका आमाहरुलाई खाना खुवाएर आफ्नो सामाजिक संस्थाको शुभारम्भ गरेको छ ।
कक्षा ११ मा अध्ययनरत युवाहरुले उक्त संस्था स्थापना गरेका हुन्। संस्थाले वृदाश्रमकी संस्थापक भुवनेश्वरी आचार्य र युवा अभियान्ता अभिषेक भट्टराईलाई सम्मान समेत गरेको छ ।
युवाहरुमा समाज प्रति दायित्व रहनुपर्छ भन्ने मुख्य उद्देश्यका साथ संस्था स्थापना गरिएको संस्थाकी अध्यक्ष किसु कोइरालाले बताइन् ।
संस्थाले आगामी दिनमा सामाजिक कामहरुलाई अघि बढाउने संस्थाका सदस्य निखेल नेपालले बताए ।
