१६ माघ, काठमाडौं ।
क्रिकेटर सोमपाल कामी वैवाहिक बन्धनमा बाँधिएका छन् । उनीले नेपालगञ्ज घर भई काठमाडौंमा बस्दै आएकी प्रतिभा घिमिरेसँग वैवाहिक बन्धनमा बाँधिएका हुन् ।
आफन्त र परिवारजनको उपस्थितिमा पशुपतिमा सामाजिक रीति बमोजिम दुबैजनाको विवाह भएको हो । घिमिरे हाल काठमाडौंमा सानिमा बैंकमा कार्यरत छिन् ।
करीब छ वर्षअघि नेपालञ्जमा क्रिकेट प्रतियोगिता खेल्दा पहिलोपटक दुबैजनाबीच भेटघाट भएको थियो । उक्त भेटघाट मित्रतामा कायम हुँदै प्रेम सम्बन्धमा परिणत भएको थियो ।
२४ वर्षीय सोमपाल नेपाली राष्ट्रिय टोलीको प्रतिनिधित्व गर्दै छ अन्तर्राष्ट्रिय एकदिवसीय र २८ टी ट्वान्टी अन्तर्राष्ट्रिय खेलेका छन् । गुल्मीमा जन्म भई भारतमा किशोर अवस्था बिताउनुभएका सोमपाल नेपाली राष्ट्रिय टोलीका अलराउण्डर हुन् ।
राष्ट्रिय क्रिकेट टोलीका पूर्व कप्तान एवम् अलराउण्डर पारस खडकाले सोमपाललाई सामाजिक सञ्जालमा वैवाहिक जीवनको शुभकाना दिएका छन् ।
सोमपाल चोटका माघ २२ देखी २९ सम्म कीर्तिपुर क्रिकेट मैदानमा ओमान र अमेरिकासँग हुने त्रिकोणात्मक सिरिजको लागि टोलीमा छैनन् । सोमपालको स्थानमा युवा तीब्र गतिका बलर कमलसिंह ऐरीलाई मौका दिइएको छ ।
