आजका प्रमुख खबरहरुः
१.(कन्ट्रोलमा कोरोना)
गत २४ घण्टामा पिसिआर र आरडिटी विधिबाट नेपालमा परीक्षण भएका करिब १७ सय नमुनाहरुको रिपोर्ट नेगेटिभ/ नेपालमा ५७ जना संक्रमित /देशभरी २३ हजार ३ सय ३६ जना क्वारेन्टाइनमा /८० जना आइसोलेसनमा ।
२.(अदालतबाटै पक्राउ)
थर्मल गन कालोबजारीको मुद्धामा अदालतबाट २५ लाख ५० हजार धरौटीमा रिहा भएलगत्तै व्यवसायी सुलभ अग्रवाल महानगरीय परिसर काठमाडौंद्वारा पुनः पक्राउ / अब सम्पत्ति शुद्धिकरण विभागले अनुसन्धान गर्ने ।
३.(अपहरणको उजुरी अयोगमा)
समाजवादी पार्टीका सांसद डा. सुरेन्द्र यादवद्वारा अपहरण गरेको भन्दै नेकपा सांसदद्वय महेश बस्नेत, कृष्णकुमार श्रेष्ठ र पूर्व आईजिपी सर्वेन्द्र खनालविरुद्ध राष्ट्रिय मानवअधिकार आयोगमा उजुरी /उजुरीमा विषयमा अनुसन्धान गरिने आयोगको भनाई ।
४.(खोई स्वतन्त्रता ?)
पछिल्लो राजनैतिक घटनाक्रमसँग जोडेर सामाजिक सञ्जालमा नेकपा अध्यक्ष प्रचण्डलाई गालीगलौच गरेको अभियोगमा पत्रकार दीपक पाठक पक्राउ/ पाठकलाई जिल्ला अदालत काठमाडौंबाट म्याद थप गरी अनुसन्धान गरिने प्रहरीको भनाई ।
५.(सर्तकता अपनाउ)
महाकालीपारि धार्चुलाको क्वारेन्टिनमा रहेका नेपालीहरू स्वदेश फर्किए/दार्चुलाको नाकाबाट मात्रै करिब एक हजार बढी र बैतडीको नाकाबाट करिब सात सय बढी भित्रिएको हुनसक्ने अनुमान ।
६.(लकडाउनमा कडाई !)
लक डाउनको ३८ औं दिन पूरा /सरकारले लकडाउनको कडाई गर्न निर्देशन दिएपछि अहिले विभिन्न चोकमा सवारीको चाप बढ्दो /प्रहरी चेकजाँचमा कडाई गरेपछि चोकहरुमा सवारी साधनहरुको लाइन ।
७.(रोजगारीको आश्वासन)
सरकारले असंगठित क्षेत्रमा काम गर्ने मजदुरहरुलाई न्यूनतम रोजगारीको व्यवस्था गर्ने /काम गर्न नचाहने व्यक्तिहरुको हकमा राहत माग्न आएमा काम गर्ने व्यक्तिले पाउने ज्यालाको २५ प्रतिशत खाद्यान्न मात्र उपलब्ध गराउने ।
८.(जन्मभूमि प्रतिको दायित्व)
कोरोना रोकथाम तथा नियन्त्रणका लागि गैह्र आवासीय नेपाली संघ (एनआरएनए)द्वारा सरकारलाई स्वास्थ्य सामग्री सहयोग/दक्षिण कोरिया, चीनको एनआरएन संघद्वारा स्वास्थ्य मन्त्रीलाई स्वास्थ्य सामग्री हस्तान्तरण/ हङकङ र मकाउ एनआरएनले पनि सहयोग गर्ने ।
९.(मर्मलाई बुझौं)
लक डाउनका समयमा काठमाडौ महानगरले राहत वितरण गरिरहेका बेला वडा कार्यालयहरुमा फारम भर्नेहरुको भिड /लाइनमा बसेकाहरुले सामाजिक दुरी कायम नगरेको पाइयो ।
१०.(जनता उत्तेजित भएपछि…..)
राहत वितरणमा पक्षपात भएको भन्दै डोटीको केआइसिंह गाउँपालिका–४ का वडाध्यक्ष जयलाल धामीमाथि स्थानीयवासीद्वारा हातपात / वडा कार्यालयमा तालाबन्दी /घाइते वडाध्यक्षलाई थप उपचारका लागि काठमाडौं लगियो ।
११.(भुक्तानीको समयावधि थप)
सरकारले चैत र वैशाख महिनामा भुक्तानी गर्नुपर्ने अधिकांश करको भुक्तानी गर्ने समयावधि २५ जेठसम्मका लागि बढायो / कर भुक्तानी गर्न सकिने अवधि एक महिना थप्ने अर्थ मन्त्रालयको निर्णय ।
१२.(पर्यटकको घर फिर्ती)
पोखरामा रहेका ६९ युरोपियन पर्यटकलाई पर्यटक बसमा काठमाडौं पुर्याइयो / पर्यटकहरुले काठमाडौंबाट जर्मनका लागि शनिबार हुने चार्टड उडानमा घर फर्कन सक्ने ।
१३.(औषधि आए कि ?)
कोरोनाको संक्रमण बढ्दै गएपछि विश्व स्वास्थ्य संगठन (डब्लूएचओ) को आकस्मिक बैठक बस्यो / विश्वमा कोभिड १९ का साथै यसका कारणले उत्पन्न गरेको परिस्थिति र कोभिडको केही औषधिका बारेमा छलफल ।
१४.(लकडाउनले विजेता)
खेल नसकिदै पेरिस सेन्ट जर्मेन (पीएसजी)लाई फ्रान्सेली लिग वानको विजेता घोषणा / लिग वानबाट रेलिगेसनमा पर्ने टिमको भने निर्णय हुन बाँकी /यूएईएफएसँग थप छलफल पछि यसबारे निर्णय हुने ।
र,
१५.(कोरोनाको कहर)
विश्वव्यापी महामारी कोरोना भाइरसको संक्रमणका कारण हालसम्म २ लाख २८ हजार बढीको मृत्यु/ ३२ लाख ३७ हजार भन्दा बढी संक्रमित / १० लाख १० हजार बढी निको भएर घर फर्किए ।
