आजका प्रमुख खबरहरुः
१.(थपिए संक्रमित)
दुई जना व्यक्तिमा कोरोना भाइरस संक्रमण पुष्टि भएसँगै नेपालमा कुल संक्रमितको संख्या ५९ पुग्यो /१६ जना निको भएर घर फर्किए /उपचारत सबैको स्वास्थ्य अवस्था सामान्य रहेको स्वास्थ्य मन्त्रालयको भनाई ।
२.(पछिल्लो तथ्याङ)
अहिलेसम्म पीसीआर र आरडिटी विधिबाट मुलुकभर ६० हजार ३ सय ७४ वटा परीक्षण /देशभर क्वारेन्टाइनमा रहेका मानिसहरुको संख्या २४ हजार ९ सय ७ / आइसोलेसनमा ९४ जना उपचाररत ।
३.(नोबेल चुकेकै हो त ?)
उदयपुर घर भएकै कारण विराटनगरको नोबेल मेडिकल कलेजले गर्भवतीलाई निकालेको घटनाबारे सरकारले छानबिन गर्ने /गर्भवती महिलाप्रति भएको व्यवहार प्रमाणित भए कारवाही गर्न मन्त्रालय पछि नपर्ने ।
४.(बन्ला त खुकुलो ?)
वैशाख २५ पछि लकडाउन केही खुकुलो हुने स्वास्थ्य तथा जनसंख्यामन्त्री भानुभक्त ढकालको संकेत / कृषि, उद्योगधन्दा, दिर्घरोगी र अन्य विरामीहरु उपचारबाट बञ्चित भएको अवस्थालाई मध्यनजर गर्दै लकडाउनको स्वरुप परिवर्तन हुन सक्ने ।
५.(परिवारमा एक परीक्षण)
कोरोना भाइरसको परीक्षण दायरा विस्तार गरी हरेक परिवारबाट एकजनाको परीक्षण गर्न राष्ट्रियसभाको विधायन व्यवस्थापन समितिको निर्देशन /लकडाउनपछि विदेशबाट फर्कने जनशक्तिलाई व्यवस्थित गर्ने योजना निर्माण गर्न पनि आग्रह ।
६.(इन्डोप्यासिकको एममीसी)
इन्डोप्यासिक स्ट्राटेजी (हिन्द प्रशान्त रणनीति) कै अंग भएको नेकपाको एमसीसी अध्ययन कार्यदलको निश्कर्ष /एमसीसी कम्प्याक्टका ११ बुँदा संशोधन गर्न सुझाव । परराष्ट्रमन्त्री समेत रहेका कार्यदलका सदस्य प्रदीप ज्ञवालीको भने १५ बुँदे फरक मत ।
७.(बहराइनमा पिडा)
बहराइनमा थप ३१ जना नेपाली श्रमिकमा कोरोना संक्रमण पुष्टि /संक्रमित नेपालीको सख्या १ सय ५७ पुग्यो /बहराइन सरकारले आफ्ना नागरिक सरह नै उपचार गरिरहेको र अवस्था सामान्य रहेको दूतावासको भनाई ।
८.(सञ्चारमाध्यममाथिको कटाक्ष)
केही सञ्चारमाध्यमहरुले देशलाई अस्थिरतातर्फ धकेल्ने सामग्रीहरु सम्प्रेषण गरेको भन्दै अस्थिरताका प्रयास गरिनु दुखद् रहेको प्रधानमन्त्री केपीशर्मा ओलीको भनाई/ मजदुर दिवसको शुभकामना दिँदै परिस्थितलाई विथोल्न खोज्ने प्रयासलाई सफल हुन नदिने विश्वास ।
९.(औपचारिकताको मजदुर दिवस)
आज मे १ तारिख, अर्थात अन्तर्राष्ट्रिय श्रमिक दिवस /कोरोना महामारीका कारण कुनै पनि औपचारिक कार्यक्रम भने भएन /जुनसुकै क्षेत्रका लाखौं मजदुरहरु कामविहिन ।
१०.(एकताको प्रक्रिया)
लकडाउनमा पार्टी एकताका लागि केन्द्रीय कमिटीको हस्ताक्षर संकलन गरेर बुझाए राजपा र समाजवादीलाई निर्वाचन आयोगले मान्यता दिने /अध्यक्ष मण्डलको बैठकद्वारा पार्टी एकता गर्ने सैद्धान्तिक सहमतिलाई अनुमोदन ।
११.(जेठमा एसइई ?)
राष्ट्रिय परीक्षा बोर्डद्वारा माध्यमिक शिक्षा परीक्षा (एसइई) जेठ अन्तिम साता गर्न सरकारलाई सिफारिस /लकडाउन खुलेको तीन सातापछि एसइई र कक्षा १२ को परीक्षा तथा २५ गतेपछि विद्यालय भर्ना अभियान सुरु गर्न सकिने ।
१२.(निर्दाेश मारिएपछि…..)
रोल्पामा भेटिएको बम नेपाली सेनाको टोलीद्वारा डिस्पोज /बेवारिसे बम विष्फोट हुँदा मृत्यु भएका ४ जना बालबालिकाको शव पोष्टमार्टमका लागि पठाइयो /छटना बारे थप अनुसन्धान जारी ।
१३.(मृतक भेटिए)
अन्नपूर्ण आधार शिविर पदयात्राको क्रममा माघमा हिमपहिरोमा परेर बेपत्ता थप दुई जनाको शव फेला /चार दिनदेखिको खोजी कार्यमा बेपत्ता सवै सातै जनाको शव भेटिएको प्रहरीको भनाई ।
१४.(राष्ट्र बैंकको योजना)
अहिलेको परिस्थितिमा नयाँ योजनालाई बजेट छुट्याउन नसकिने नेपाल राष्ट्र बैंकको भनाई /पाइप लाइनमा रहेका योजनाहरुलाई प्राथमिकतामा राखेर अगाडी बढ्नुपर्ने परिस्थितिमा नयाँ योजनाहरु आउन समय लाग्ने उल्लेख ।
र,
१५.(विश्वको अपडेट)
महामारीका रुपमा रहेको कोरोना भाइरसका कारण हालसम्म विश्वभर २ लाख ३४ हजार बढीको मृत्यु/ ३३ लाख २२ हजार बढी संक्रमित / १० लाख ५० हजार बढी निको भएर घर फर्किए ।
