१८ जेठ, काठमाडौँ ।
सरकारले विदेशबाट ल्याइने नेपालीको व्यवस्थापनमा सेना परिचालन गर्ने पनि निणर्य गरेको छ । शनिबार बसेको मन्त्रिपरिषद् बैठकले सेना परिचालन गर्न राष्ट्रपतिसमक्ष सिफारिस गर्ने निणर्य गरेको हो ।
कोरोना संक्रमण बढी भएको स्थानमा पनि सेना परिचालन गर्ने निणर्य गरेको एक मन्त्रीले बताए । शनिबारै बसेको सुरक्षा परिषद्को बैठकले विदेशबाट आउने नेपालीको व्यवस्थापनमा र संक्रमण बढी फैलिएको स्थानमा सेना परिचालन गर्न सिफारिस गरेको थियो ।
सरकारले भारत तथा तेस्रो मुलुकमा रहेका २५ हजार नेपालीलाई ल्याउने निणर्य गरिसकेको छ भने भारतबाट आउनेका लागि २० वटा नाका तोकेको छ ।
सीमा क्षेत्रबाट आवत जावत बढ्दा संक्रमणको जोखिम बढेकाले सुरक्षा व्यवस्था थप कडाई गर्ने निणर्य गरेको सरकारका प्रवक्ता एवं अर्थ सूचना तथा संचार प्रविधि मन्त्री युवराज खतिवडाले बताए ।
