योगेन्द्र योगी
३० जेठ, दोहा ।
नेपाल सरकारले कतारबाट कोरोना भाइरस (कोभिड–१९) को कारण समस्यामा परेका नेपालीहरुको उद्दारको लागि तोकेको हवाई भाडादर प्रति गैरआवसीय नेपाली संघ कतारले गम्भीर ध्यानाकर्षण भएको जनाएको छ ।
सर्व प्रथम त वास्तविक पीडित जो सङ्ग खानाको लागि खाद्यान्न समेत छैन उनीहरु सरकारले तोकेको भाडादर भुक्तान गर्न सक्दैनन् । गैरआवसीय नेपाली संघले कतार सरकार तथा त्यहाँका परोपकारी संस्था सङ्ग समन्वय गर्दै ४ हजार ८ सय बढी पीडितलाई खाद्यान्न बाढी सकेको छ अझै बाढने क्रम जारीको एनआरएनए कतारका प्रवक्ता सन्तोष क्षेत्री जानकारी दिएका छन् ।
कतिपय नेपालीलाई कम्पनीले नै बस्न र खाना ब्यबस्था गरि रहेका छ्न भने अन्य कति सहयोग मागेर वा साथी भाइआफन्त संग ऋण गरेर पनि गुजारा गरि रहेका छन् । खर्च बिहिन भएका त्यस्ता पीडितलाई नेपाल सरकारले नै भाडा भुक्तान गरि उद्दार गरिनु पर्दछ एनआरएनए कतारले भनेको छ ।
अन्यको हकमा९जस्को कम्पनीले टिकट काटिदिने वा आफैँ ब्यबस्था गरेर जाने० पनि सरकारले उद्दार उडान भनेर कतारको लागि तोकेको भाडादर सामान्य अवस्थामा भन्दा झन्डै चार गुडा बढी छ । त्यसकारण सरकारले तोकेको भाडादर तत्काकल परिमार्जन गर्न माग गरिएको प्रवक्ता क्षेत्रीले बताए ।
नेपाल सरकारले तोकेको भाडा दोहादेखि काठमाडौँसम्मको ५४५ अमेरिकी डल्लर अर्थात करिब ६५ हजार रूपैया पर्ने छ । जस अनुसार जेठ ३२ गतेदेखि असार ११ गतेसम्म पहिलो चरणको उडान तालिका तय भएको छ ।
नेपालीलाई आफ्नो देश फिर्ता ल्याउनको लागि स्वदेशका एयरलाइन्सलाई पहिलो प्राथमिकता दिईएको छ भने आवश्यकता अनुसार बिदेशी एयरलाइन्सले समेत उडान भर्नेछन् ।
पहिलो चरणमा ३० देशबाट नेपालीलाई ल्याउन ६७ वटा उडान हुने तय गरिएको छ । जस मध्ये नेपाल एयरलाइन्सले २४ उडान गर्नेछ भने हिमालय एयरलाइन्सले १९ उडान गर्ने छ । बाँकी २४ उडान विदेशी जहाजले भर्नेछ । नेपाल सरकारको निर्णयअनुसार पहिलो चरणमा कतारबाट नेपालका लागि जुन १६ र १७ गरि दुई उडान गर्ने तय भएको छ ।
