३२ जेष्ठ, एजेन्सी । बेइजिङको एक होलसेल बजारका ४५ जनामा कोरोना भाइरस संक्रमण पुष्टि भएपछि सो क्षेत्रलाई ’युद्धकालीन आपतकाल’ घोषणा गरिएको छ ।
योसँगै राजधानीले सम्पूर्ण पर्यटकीय र खेल गतिविधिमाथि प्रतिबन्ध लगाएको छ ।
संक्रमित फेला परेसँगै त्यहाँ कोरोना भाइरसको नयाँ चरण सुरू भएको आशंका हुन थालेको छ ।
सहरको दक्षिण पश्चिम क्षेत्र फेङ्टाइ जिल्लाको सिङ्फाडी बजारका ५ सय १७ जनामा गरिएको स्वाब परीक्षणमा ४५ जनामा कोरोना संक्रमण पुष्टि भएको त्यहाँका जिल्ला अधिकारीले बताएका छन्।
उनीहरू कसैमा पनि कोरोनाको लक्षण देखिएको छैन ।
संक्रमण पुष्टि भएसँगै एसियाकै ठूलो होलसेल कृषि बजार ठानिएको सो क्षेत्रलाई चौबिसै घण्टा सुरक्षाकर्मीको उपस्थिति रहनेगरी लकडाउन गरिएको छ ।
सो जिल्लालाई ’युद्धकालीन आपतकालको अवस्थामा’ राखिएको उनको भनाइ छ।
बजार बन्द गरिएसँगै भाइरस संक्रमणको दोश्रो चरण सुरू हुन लागेको आशंका बढाएको छ।
कोरोनाको महामारीका कारण संसारभर ७६ लाख बढी मानिस संक्रमित बन्नुका साथै ४ लाख २० हजार मानिसले ज्यान गुमाइसकेका छन्।
पछिल्लो घटनाले कोरोना भाइरस नियन्त्रणमा ठूलो सफलता हात पारेका देशमा पनि कोरोनाको ’क्ल्स्टर’ सजिलै उत्पन्न हुनसक्छ भन्ने देखाएको छ।
थप संक्रमित पत्ता लगाउन सो बजारका १० हजार मानिसको न्यूक्लिक एसिड टेस्ट गर्ने योजना बनाइएको छ।
सो बजारमा दैनिक १५ सय टन सी(फुड, १८ हजार टन तरकारी र २० हजार टन फलफूलको कारोबार हुँदै आएको थियो।
