२६ असार, पोखरा । म्याग्दीका विभिन्न ठाउँमा पहिरोमा परेर ३२ जना बेपत्ता भएका छन् । धौलागिरि, मालिका र मंगला गाउँपालिमा खसेको पहिरोमा ३२ जना हराइरहेको म्याग्दी प्रहरीले जानकारी दिएको छ ।
धौलागिरीको मराङमा मात्र २२ जना पहिरोमा हराइरहेको म्याग्दी प्रहरी प्रमुख डिएसपी किरणजङ् कुँवरले जानकारी दिए ।
धौलागिरिकै ताकममा २ जनाको ज्यान गइसकेको र मालिका गाउँपालिकामा पनि ८ जना हराइरहेको डिएसपी कुँवरले बताए । मंगला गाउँपालिकामा समेत गरी ३२ जना हराइरहेको उनले बताए ।
ठाउँ(ठाउँमा पहिरो खसेर बाटो अवरुद्ध भएका कारण उद्दारमा कठिनाई भएको उनले जानकारी दिए । उनकाअनुसार दरबाङ र सिमचौर भन्ने ठाउँमा एउटा टोली रोकिएको छ । बागलुङबाट विपदव्यवस्थापन टोली, सशस्त्र, सेना, प्रहरी र जनप्रतिनिधि उद्दारमा खटिएका छन् तर पहिरो छिचोल्न समस्या परेको छ ।
गाडी जान सक्ने अवस्था नभएको र पहिरोको बीचमा फसेका अरू सिंगा तातोपानीबाट २ जनालाई उद्दार गरिएको उनले जानकारी दिए ।
