१८ साउन, विराटनगर । प्रदेश १ सरकारले शनिबार उदयपुरको कटारीबाट १० जनाको उद्धार गरेको छ । कटारी नगरपालिकाका विभिन्न वडाहरुबाट मानसिक स्वास्थ्य समस्या भएपछि सडक आश्रित तथा खोरमा थुनेर राखिएकाहरुको उद्धार गरेको हो ।
उद्धार गरिएकामा सडक आश्रित गर्भवति बालिका सहित ४ महिला र ६ पुरुष छन् । उनीहरुलाई सडक र घर–घरमा गएर सामाजिक विकास मन्त्री जीवन घिमिरे, प्रदेश सभा सदस्य कला घले सहितको टोलीले उद्धार गरेको हो ।
कटारी १ कालिखोलाका ५७ वर्षीय तर्कबहादुर अधिकारी (खत्री) लाई उद्धार गर्न उनको घर पुग्दा उनलाई घर परिवारले घरदेखि २ सय मिटर पर बाँसघारीमा बनाईएको खोरमा थुनेर राखेका थिए । उद्धार टोली पुग्दा उनी नग्न अवस्थामा थिए । उनी १० वर्षदेखि खोरमा नग्न अवस्थामा बस्दै आएको स्थानीय पवित्रा थापाले बताए । कटारीमा करिव ३२ जना मानसिक स्वास्थ्य समस्या भएका व्यक्तिहरु रहेको नगरपालिकाले जनाएको छ ।
नगर उपप्रमुख भीमकुमारी राउतले स्वास्थ्य समस्या भई सडक आश्रित व्यक्तिका परिवारलाई नगरपालिकामा भेला गरि समस्या समाधानको पहल शुरु गरेको बताए । प्रदेश सरकारको अभियान अन्र्तगत उद्धार शुरु गरेको उनले बताए ।
शनिबार उद्धार गरिएकाहरु ५ सन्तानका आमा, सडकमा रहँदै गर्भवती भएकी बालिका, १० वर्षदेखि खोरमा राखिएका,साङ्लोले बाँधिएका, पढ्दा पढ्दै स्कुल छोडेका यूवाहरु रहेका छन् । प्रदेश १ सरकारले सडक आश्रित र सहयोगापेक्षीहरु सवैको उद्धार गर्ने सामाजिक विकास मन्त्री जीवन घिमिरेले बताए ।
कटारीका सडक र घर–घरमा पुगेर उद्धार गर्दै मन्त्री घिमिरेले प्रदेश १ का सवै स्थानीयतहबाट मानसिक स्वास्थ्य समस्या भएका, सडकमा जीवन विताईरहेकाहरुको उद्धार गरिने उनले बताए । प्रदेश १ का सडकमा आश्रित र सहयोगापेक्षीको उद्धार गरि सडक मानवमुक्त बनाईने मन्त्री घिमिरेले दोहो¥याए । उद्धार गरिएका व्यक्तिहरुलाई मानव सेवा आश्रम विराटनगरमा राख्ने गरिएको छ ।
सामाजिक विकास मन्त्रालय, स्थानीय तहहरुसँगको सहकार्यमा मानव सेवा आश्रमले सडकआश्रित र सहयोगापेक्षीहरुको उद्धार गर्दै आएको छ । उद्धार गरिएकाहरुलाई पारिवारिक वातावरणमा राख्ने गरिएको मानव सेवा आश्रम प्रदेश १ का संयोजक नवराज केसीले बताए ।
मानव सेवा आश्रमले अहिले सम्म प्रदेश १ मा १ सय ८ जनाको उद्धार गरिसकेको छ । उद्धार गरिएका मध्ये अहिले ६५ जना आश्रममा छन् । अन्यलाई उपचार पछि परिवारको जिम्मा लगाईएको छ । प्रदेश १ मा सडक आश्रितहरुलाई आगामी एक वर्ष भित्रमा उद्धार गरि सकिने उनको भनाई छ ।
