२ भाद्र, काठमाडौं ।
गृह मन्त्री रामबहादुर थापाको स्कटिङमा हिँड्ने गाडीले स्कुटरलाई ठक्कर दिएको छ।
आज बिहान सिंहदरबार नजिकै बा १ झ ५५५४ नम्वरको गाडीले बा ९४ प १०२५ स्कुटरलाई ठक्कर दिएको हो। सिंहदरबार पश्चिम गेट नजिकै स्कटिङको लागि निस्किएको गाडीले ठक्कर दिएको हो। थप अनुसन्धान भइरहेको महानगरीय ट्राफिक प्रहरी महाशाखाका एसपी वामदेव गौतमले जानकारी दिए ।
स्कुटरमा सवार दुई महिला घाइते भएकाले उपचारको लागि ट्रमा अस्पताल पुर्याइएको छ। २३ वर्षीय लीला थापा र २७ वर्षीय सुधा थापा घाइते भएका छन्।
स्कटिङ्को गाडी गृह मन्त्री थापालाई लिन सिंहदरबारबाट निस्किएको थियो। गाडी र चालकलाई नियन्त्रणमा लिएको महाशाखाका एसपी गौतमले जानकारी दिए। नियन्त्रणमा लिएका चालकलाई महानगरीय प्रहरी वृत्त सिंहदरबारमा राखिएको छ।
