११ भदौ, विराटनगर ।
मोरङको सुन्दरहरैँचामा मोटरसाइकलले साइकललाई ठक्कर दिँदा एक जनाको मृत्यु भएको छ । बिहीबार बिहान सुन्दरहरैँचा नगरपालिका–६ स्थित पूर्व पश्चिम राजमार्गमा पश्चिमबाट पूर्व तर्फ आईरहेको ना २९ प ६९५२ नम्बरको मोटरसाइकलले बाटो क्रस गर्दै गरेको साइकललाई ठक्कर दिँदा साइकलको पछाडि बसेका सोही ठाउँका ४५ वर्षीय डम्बरबहादुर श्रेष्ठको मृत्यु भएको हो ।
दुर्घटनामा घाईते भएका श्रेष्ठसहित साइकल चालक २८ वर्षीय नवराज बराईली र मोटरसाइकल चालक बाराको सिमरा–८ बस्ने बर्ष ४५ वर्षीय राजकुमार पुलामीलाई उपचारको लागि बिराटनर्सिङ होम बिराटनगर लगिएकोमा श्रेष्ठको उपचारको क्रममा बिहान ११ बजे मृत्यु भएको जिल्ला प्रहरी कार्यालय मोरङले जनाएको छ ।
साइकल चालकको अवस्था भने गम्भीर रहेको जनाईएको छ । मोटरसाइकल र साइकल प्रहरी चौकी गछियाको नियन्त्रणमा रहेको प्रहरीले जनाएको छ ।
