सुनसरी, बैशाख २६ः सुनसरीको भोक्राहा गाउँपालिका–४ मा मंगलबार ना ४ ख ८६२० नम्बरको ट्रक नहरको वालमा ठोक्किदा एक जनाको ज्यान गएको छ भने अन्य दुई जना घाइते भएका छन्।
ज्यान गुमाउनेमा ट्रकमा सवार भोक्राहा गाउपालिका–४ बस्ने अन्दाजी ४० बर्षिय मनोज मेहेता रहेका छन्।अपरान्ह ४ बजेतिर भएको उक्त दुर्घटनामा गम्भिर घाईते भएका उनको जिल्ला अस्पताल ईनरुवामा उपचारको क्रममा साँझ ५ बजे मृत्यु भएको हो।
ट्रकका चालक मोरङ कोशीहरैचा–९ बस्ने ४५ बर्षिय टेक बहादुर विश्वकर्मा र सह–चालक सुनसरी रामधुनी नगरपालिका–१ बस्ने २२ बर्षिय अजय उराव घाइते भएका छन् । घाईतेको जिल्ला अस्पताल ईनरुवामा उपचार भइरेहको जिल्ला प्रहरी कार्यालयले जनाएको छ ।
