१३ कार्तिक, विराटनगर ।
मोरङ बुढीगंगा गाउँपालिका वडा न. ०७ बडहरामा एक बालिकामाथि जवरजस्ती करणी मुद्दाका फरार प्रतिवादीलाई प्रहरीले नियन्त्रणमा लिएको छ ।
२०७६ माघ १५ गते बालिकालाई बुढीगंगा गा.पा वडा न.०६ वस्ने वर्ष १९ का सन्देश लिम्बु समेतका ५ जना मानिसहरुले सामूहिक रुपमा जबरजस्ती करणी गरेको मुद्धाको अनुसन्धानको सिलसिलामा संलग्न रहेका वर्ष १६ का युवालाई जिल्ला प्रहरी कार्यालय मोरङबाट गएको बिशेष टोलीले रुपन्देही तिलोतमा नगरपालिकाबाट पक्राउ गरेको हो ।
घटनामा सम्लग्न रहेका ४ जना प्रतिवादीहरु मध्येका सन्देश लिम्बु र टंके भन्ने कुमार राईलाई यसअघि ने पुर्पक्षको लागि कारागार चलान गरिएको प्रहरी जनाएको छ ।
मोरङ जिल्ला अदालतको गएको बैशाख ३१ गतेको आदेशपछि प्रतिवादी १६ वर्षका युवक घटनापछि फरार रहेकोले खोजतलाशलको क्रममा मोरङ प्रहरीले रुपन्देही तिलोतमा नगरपालिका वडा न. १५ दर्खसुवा स्थित कृष्ण परियारको घरमा लुकी बसी रहेको अवस्थामा पक्राउ गरी आवश्यक कानुनी कारवाहीको लागि जिल्ला अदालत मोरङमा बुझाउने प्रक्रिया सुरु गरेको प्रहरीले जनाएको छ ।
