७ पुष । न्युजिल्याण्डसँगको तेस्रो तथा अन्तिम टी– २० क्रिकेट पाकिस्तानले ४ विकेटले जितेको छ ।
न्युजिल्याण्डले दिएको एक सय ७४ रनको लक्ष्य पाकिस्तानले ६ विकेट गुमाएर दुई बल बाँकी छँदै भेट्यायो । पाकिस्तानको जीतमा मोहम्मद रिजवानले ८९ र मोहम्मद हफीजले ४१ रन बनाए । यसअघि पहिले ब्याटिङ गरेको न्युजिल्याण्डले २० ओभरमा सात विकेट गुमाएर एक सय ७३ रन बनायो । उसका लागि डेभन कनवेले सर्वाधिक ६३ रन बनाए । पाकिस्तानका लागि फहीम अशरफले तीन तथा शहीन अफ्रिदी र ह्यारिस रौफले दुई÷दुई विकेट लिए । आजको खेल जिते पनि पाकिस्तानले शृङ्खला भने जोगाउन सकेन । यसअघिका २ खेल जित्दै न्युजिल्याण्डले शुङ्खला नै जितिसकेको छ । यी दुई देशबीच दुई खेलको टेस्ट शृङ्खला पनि हुनेछ ।
