१७ माघ, काठमाडौँ । राष्ट्रिय महिला लिग फुटबलमा विराटनगर महानगरपालिकाले उदयपुरको चौदण्डीगढी नगरपालिकालाई ६-० ले हराएको छ ।
ललितपुरको सातदोबाटोमा रहेको एन्फा मैदानमा भएको खेलमा विराटनगरले चौदण्डीगढीलाई हराउँदै दोस्रो जित निकालेको हो । विराटनगरको जितमा अनु राईले दुई तथा मनिषा राई, पार्वती घले, ईमा राई र मनिषा थापामगरले एकरएक गोल गरे ।
जितपछि विराटनगरको चार खेलमा सात अंक भएको छ । विराटनगर लिगको तेस्रो स्थानमा उक्लिएको छ । चौदण्डीगढीले लगातार चौथो हार बेहोरेको छ । अंकविहीन चौदण्डीगढी पुछारमा छ ।
