९ भदाै, काठमाडौं।
एमाले विभाजन गरेर माधव कुमार नेपाल नेतृत्वमा नेकपा (एकीकृत समाजवादी) दर्ताका लागि एमालेका ३० सांसद र ५५ केन्द्रीय सदस्यले हस्ताक्षर गरेका छन्।
बुधबार निर्वाचन आयोगमा सनाखतका लागि राष्ट्रिय सभा र प्रतिनिधि सभाका ३० सांसद र ५५ केन्द्रीय सदस्यले हस्ताक्षर गरेकाे निर्वाचन आयोगले जनाएको छ।
एमालेका कुल सांसदको २० प्रतिशत वा केन्द्रिय कमिटिको २० प्रतिशत भएमा पार्टी विभाजन हुन सक्ने राजनीतिक दल सम्बन्धी अध्यादेशमा उल्लेख छ। सोही अनुसार एमालेकाे माधव नेपालपक्षले नयाँ पार्टी दर्ताका लागि निर्वाचन आयोगमा निवेदन दिएका थिए।
उनीहरुको निवेदन अनुसार नेकपा (एकीकृत समाजवादी) दर्ताका लागि आयोगले आज सनाखत गरेको हो। आयोगले सनाखतका लागि आज विहान ११ बजेदेनि दिउँसो २ बजेसम्मको समय दिइएको छ।
आयोगमा एकिकृत समाजवादीले ३१ सांसद र ६५ केन्द्रीय सदस्य उपस्थित हुने दाबी गरेको थियो।
