६ असाज, काठमाडौँ ।
गुल्मीमा अविरल वर्षासँगै गएको पहिरोमा पुरिएर एकै घरका तीन जनाको मृत्यु भएको छ ।
पहिरोमा पुरिएर रेसुङ्गा नगरपालिका वडानम्बर -८ खानिगाउँ थुम्का लाइन बस्ने तिलक परियारकाे छाेरीहरु २१ वर्षकी भावना परियार, १४ वर्षकी गंगा परियार र १४ वर्षकी जमुना परियारको मृत्यु भएको हो ।
घरको बीचको कोठामा सुतिरहेका तीन दिदीबहिनीको घर माथिबाट ढुंगासहित खसेको पहिरोले पुरिँदा मृत्यु भएको जिल्ला प्रहरी कार्यालय गुल्मीले जनाएकाे छ। गंगा-जमुना जुम्ल्याहा दिदीबहिनी भएको बताइएको छ । उनीहरूको शव परीक्षण गर्न तम्घास अस्पताल पठाइएको छ।
तर, अर्कै कोठामा सुतेका तिलक, उनकी श्रीमती र एक छोरी भने सकुशल रहेको प्रहरीले जनाएको छ । हाल घटनास्थलमा स्थानीय, नेपाली सेना, नेपाल प्रहरी र शशस्त्र प्रहरी पुगिसकेको छ।
