३ पुस, काठमाडौँ ।
नेकपा माओवादी केन्द्रले राष्ट्रिय सम्मेलनका लागि पुस ५ गतेभित्र आवश्यक विवरणसहितको प्रतिनिधि सूची केन्द्रीय कार्यालयमा पेश गर्न निर्देशन दिएको छ।
प्रचण्डको सचिवालयबाट स्वकीय सचिव रमेश मल्लले जारी गरेको विज्ञप्तिमा भनिएको छ, ‘हाम्रो पार्टीले सदस्यता नवीकरणबाट सुरु गरेको पार्टी सुदृढीकरणको अभियान सेल, टोल, वडा, स्थानीय तह हुँदै प्रदेश सम्मेलन सम्पन्न गरि राष्ट्रिय सम्मेलनको नजिक पुगेको छ।’
पार्टीले विचार सिद्धान्त र नीतिमा होइन नेतृत्वमा मात्र केन्द्रित भएर सम्मेलन वा महाधिवेशन गर्ने बुर्जुवा परिपाटी भएको टिप्पणी गरेका छन्।
मल्लले जारी गरेको विज्ञप्तिमा भनिएको छ, ‘पार्टीले विचार सिद्धान्त र नीतिमा होइन नेतृत्वमा मात्र केन्द्रित भएर सम्मेलन वा महाधिवेशन गर्ने बुर्जुवा परिपाटीबाट माथि उठाई उल्लेखित विषयमा छलफल, बहसमार्फत सही विचार र राजनितिक दिशाअनुसार त्यसलाई कार्यान्वयन गर्ने नेतृत्व निर्माण गर्ने पद्धति अनुशरण गर्दै आएको छ। यद्यपि, यसलाई समयानुकूल परिष्कृत गर्ने चुनौती पनि हामीले सामना गर्दै आएका छौं।’
अहिले सबै सम्मेलनहरूबाट अधिकतम सहमतिको माध्यमबाट नेतृत्वको टिम निर्माण गर्ने र त्यसरी चयन भएको टिमले आफ्नो पदाधिकारी सकेसम्म सहमतीय निर्वाचन विधिमा र सहमतीय विधिबाट नभए बहुमतीय निर्वाचनको माध्यमबाट नेतृत्व निर्माणको बाटो खुला गरेको उल्लेख गरेका छन्।
‘हाम्रो पार्टी पद्धतिलाई बुझेर वा नबुझेर कतिपय पक्षबाट नेतृत्वले हस्तक्षेप गरेको भन्ने टिप्पणी सार्वजनिक भएका छन। यो एकदम गलत कुरा हो। पार्टी बाहिर र भित्रका कमरेडहरू समेत यो कुरामा स्पष्ट हुन जरुरी छ कि कुनै पनि सम्मेलनहरू नेतृत्व निर्माणको क्रममा जनवादी केन्द्रीयताको अभ्यास गर्न स्वतन्त्र छन्’ विज्ञप्तीमा भनिएको छ।
निर्धारित नीति विधिभित्र रहि आफ्नो अधिकारको प्रयोग गरे। प्रदेश सम्मेलनको बाँकी काम पूरा गरि पुस ५ गतेभित्र आवश्यक विवरणसहितको प्रतिनिधि सूची केन्द्रीय कार्यालयमा पेश गर्न निर्देशन समेत दिएका छन्। सम्मेलनमा पार्टी नेतृत्वले कुनै पनि हस्तक्षेप नगरेको र नगरिनेसमेत स्पष्ट पारेका छन्।
