१६ फागुन, एजेन्सी। अमेरिकी डलरको तुलनामा रुसी मुद्रा रुबल हालसम्मकै कमजोर देखिएको छ ।
पश्चिमी मुलुकले युक्रेनमा हमला गरेपछि रुसमाथि प्रतिबन्ध लगाएर दण्डित गर्न र एक्लाउन थालेपछि अमेरिकी डलरको तुलनामा रुबल झण्डै ३० प्रतिशतले कमजोर देखिएको हो । जुन हालसम्मकै उच्च हो । हाल रुबलको भाउ प्रति डलर ११९ पुगेको छ ।
रुसका केही बैंकलाई स्विफ्ट भुक्तानी प्रणालीबाट हटाइएपछि रुबल हालसम्मकै कमजोर देखिएको बीबीसीले जनाएको छ । रुस आफ्नो तेल एवं ग्यास निर्यातका लागि उक्त भुक्तानी प्रणालीमा निकै निर्भर हुँदै आएको छ ।
युक्रेन युद्धको त्रासबीच कच्चा तेलको मूल्य समेत वृद्धि भएको छ । ब्रेन्ट नामक कच्चा तेलको मूल्य बढेर प्रतिब्यारेल सय डलरभन्दा माथि पुगेको छ ।
