३० चैत, सोलुखुम्बु । सगरमाथा राष्ट्रिय निकुञ्जले बेरुजु रकम फर्छ्यौट गर्न हेलिकोप्टर कम्पनीलाई १५ दिने अल्टिमेटम दिएको छ ।
यसअघि निकुञ्ज क्षेत्रमा उडान र अवतरणमा रोक लगाउने निर्णय गरिएकोमा चैत २९ गते हेलिकोप्टर कम्पनीलाई निकुञ्जले १५ दिने अल्टिमेटम दिएको हो ।
यो समयावधिभित्रमा बेरुजु फर्छ्यौट नभएमा उडान अवतरणमा रोक लगाउने सगरमाथा राष्ट्रिय निकुञ्जका प्रमुख संरक्षण अधिकृत भूमिराज उपाध्ययले जानकारी दिए ।
यसअघि बेरुजु रकमबारे अध्ययन गर्न गठित छानबिन समितिका संयोजक मनोजकुमार मण्डलले पेस गरेको प्रतिवेदनलाई आधार बनाएर १५ दिने अल्टिमेटम दिएको सगरमाथा राष्ट्रिय निकुञ्जले जनाएको छ ।
निकुञ्जले सिम्रिक एयर, कैलाश, मनाङ, माउण्टेन, फिस्टेल, एभरेष्ट, डाईनेष्टिक, अल्टिच्यिुड, प्रभु, श्री एयरलाईन्सलाई राजश्व दाखिला गर्न पत्राचार गरेको हो ।
