१७ वैशाख , एजेन्सी ।
एयरलाइन रेटिङ डटकमले सन् २०२४ का निम्ति विश्वका २५ विमान कम्पनीको रेटिङ गरेको छ । उक्त सूचीको पहिलो नम्बरमा कतार एयरवेज परेको छ । युएईमा आधारित दुबै वाहकहरू इमिरेट्स र इतिहाद एयरलाइन्स दोस्रो वर्षको लागि विश्वको शीर्ष १० एयरलाइन्समा परेका छन् ।
कतारपछि क्रमशः कोरियन एयर, क्याथी प्यासिफिक एयरवेज, एयर न्युजिल्यान्ड, इमिरेट्स, एयर फ्रान्स÷केएलएम, अल निप्पोन एयरवेज, इत्तिहाद एयरवेज र क्वान्तास छन् । यस्तै, सूचीमा भर्जिन अस्ट्रेलिया÷एट्लान्टिक, भियतनाम एयरलाइन्स, सिंगापुर एयरलाइन्स, इभा एयर, ट्याप पोर्चुगल, जाल, फिन एयर, हवाइयन, अलास्का एयलाइन्स, लुफर्थान्सा÷स्वीस, टर्किज एयरलाइन्स, आईजीए ग्रुप (ब्रिटिस एयरवे एन्ड इबेरिया), एयर क्यानडा, डेल्टा एयरलाइन्स, युनाइटेड एयरलाइन्स र अमेरिकन एयरलाइन्स रहेका छन् ।
ती एयरलाइन्सका विभिन्न सेवा सुविधाको मूल्यांकनबाट सो सूची तय गरिएको जनाइएको छ । यसैगरी, कम भाडाका हिसाबले अल्फाबेटिकल अर्डरअनुसार, एयर एसिया ग्रुप, एयर बाल्टिक, एयर क्यानडा रग, सेबु प्यासिफिक, ईजी जेट, युरो विंग्स, फ्लाई दुबई, फ्लाई नास, गोल, जेट ब्लु, जेट २, जेटस्टार ग्रुप, जेजु एयर, नर्वेजियन, पिच, ¥यान एयर, स्कुट, स्पाइस जेट, सन कन्ट्री एयरलाइन्स, साउथवेस्ट एयरलाइन्स, ट्रान्साभिया, भाइटजेट, भोलोटी, भ्युलिङ र विज एयर रहेको जनाइएको छ ।
विमानस्थलमा भने सन् २०२४ का लागि कतारको दोहास्थित हमाद इन्टरनेसनल एयरपोर्ट विश्वकै सबैभन्दा उत्कृष्ट एयरपोर्टको सूचीमा परेको छ । यो सूचीमा दोस्रो स्थानमा सिंगापुर चांगी एयरपोर्ट परेको छ भने सिउल इन्चेन एयरपोर्ट तेस्रो र टोक्योे हानेदा एयरपोर्ट तथा टोक्यो नारिता एयरपोर्ट क्रमश चौथो र पाँचौ स्थानमा परेका छन् ।
बेलायतको एयरलाइन्स र एयरपोर्टको रिभ्यु गर्ने स्काइट्रयाक्सले तयार पारेको यो सूचीमा पेरिस चार्ल्स डी गाउल्ले एयरपोर्ट छैटौं, दुबई एयरपोर्ट सातौ, म्युनिख एयरपोर्ट आठौं, जुरिच एयरपोर्ट नवौं र इस्तानबुल एयरपोर्ट दशौ स्थानमा परेका छन् । त्यसपछि क्रमश हङकङ एयरपोर्ट रोम फ्युमिसिनो एयरपोर्ट, भियना एयरपोर्ट, हेल्सिन्कि भन्ता, मेिड्रड बराजास, सेन्ट्रायर नागोया एयरपोर्ट, भ्यान्कुभर एयरपोर्ट, कन्साई एयरपोर्ट, मेलबर्न एयरपोर्ट र कोपनहेगन एयरपोर्ट बीसौँ उत्कृष्ट विमानस्थलभित्र पर्न सफल भएका छन् ।
यो सूचीमा लण्डनको हिथ्रो विमानस्थल २१ औं स्थानमा दिल्ली विमानस्थल ३६ औं स्थानमा र चीनको सांघाई विमानस्थल ४४ औं स्थानमा परेको छ । विश्वका शीर्ष एकसय विमानस्थलमा नेपालको विमानस्थल भने अटाउन सकेको छैन् । यात्रु क्षमताका आधारमा भने विश्वका शीर्ष ५ विमानस्थलमा टोकियो, दुबई, स्तानबुल, हिथ्रो र दिल्ली परेका छन् । यस्तै विश्वका सबैभन्दा सफा विमानस्थलमा टोकियो हानेडा, सियोल इन्चेन, सिंगापुर चाङ्गी ,दोहा हमाद , सेन्ट्र्यर नागोया परेका छन् ।
