२२ भदौ, विराटनगर ।
ललितपुरमा जारी एन्फा महिला लिग फुटबल प्रतियोगितामा नेपाल एपिएफ क्लबले पहिलो जित दर्ता गरेको छ । शनिबार आफ्नो दोस्रो खेल खेलेको एपिएफले विभागीय डर्बीमा त्रिभुवन आर्मी क्लबलाई २-१ गोलले पराजित गरेको हो ।
ललितपुरको सातदोबाटोस्थित एन्फा कम्प्लेक्स मैदानमा पहिलो हाफको ‘इन्जुरी समय’मा सविता रानामगरको गोलमा एपिएफले सुरुवाती अगता बनाएको थियो ।
तर खेलको ५६ औँ मिनेटमा विमला चौधरीको गोलमा आर्मी खेलमा फर्किएको थियो । खेलको ६७ औँ मिनेटमा डिफेन्डर गिता रानाको पेनाल्टी गोलमा एपिएफले पुनः अग्रता बनाएको थियो ।
त्यसपछि खेलमा थप गोल हुन नसक्दा एपीएफले महिला लिगमा पहिलो जित दर्ता गरेको हो । यसअघि पहिलो खेलमा एपिएफले पहिलो खेलमा पुलिस क्लबसँग बराबरी गर्दै अंक बाँडेको थियो ।
