२६ भदौ, विराटनगर ।
नेपाली बजारमा बुधबार सुनको भाउले नयाँ कीर्तिमान कायम गरेकाे छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५३ हजार चार सय रुपैयाँमा कारोबार भइरहेको छ ।
चार दिन अगाडि प्रतितोला एक लाख ५३ हजार तीन सय रुपैयाँमा कारोबार भएको सुन आज प्रतितोला एक लाख ५३ हजार चार सय रुपैयाँ पुगेको हो । मंगलबार छापावाल सुन प्रतितोला एक लाख ५२ हजार चार सय रुपैयाँमा कारोबार भएको थियो ।
मंगलबारको तुलनामा बुधबार सुनको भाउ प्रतितोला एक हजार रुपैयाँ बढेको हो ।
बुधबार चाँदीको भाउ पनि अघिल्लो दिनको तुलनामा बढेको छ । यस दिन चाँदीको भाउ प्रतितोला एक हजार सात सय ८० रुपैयाँ पुगेको महासंघले जनाएको छ ।
शुक्रबार चाँदी प्रतितोला एक हजार सात सय ६५ रुपैयाँमा कारोबार भएको थियो । यो भाउ अघिल्लो दिनको तुलनामा प्रतितोला १५ रुपैयाँ बढेको हो ।
