३० भदौ, विराटनगर ।
नर्वेका स्टार इयर्लिङ हालान्ड प्रेरित खेलमा डिफेन्डिङ च्याम्पियन म्यानचेस्टर सिटीले कमब्याक जित हात पारेको छ । शनिबार राति भएको खेलमा सिटीले पाहुना टोली ब्रेन्टफर्डले बनाएको सुरुआती अग्रता उल्टाउँदै २-१ गोलको जित निकालेको हो ।
घरेलु मैदान इतिहाद स्टेडियममा सिटीलाई जिताउन हालान्डले दुवै गोल गरे । ब्रेन्टफर्डका योने विसाले एक गोल गरे । खेलको पहिलो मिनेटमा नै विसाले गोल गर्दै पाहुना टोलीलाई अग्रता दिलाएका थिए । १९औं मिनेटमा हालान्डले बराबरी गोल गरेका थिए ।
३२औं मिनेटमा हालान्डले दोस्रो गोल गर्दै सिटीलाई अग्रता दिलाए । बाँकी समय गोल नहुँदा सिटीले ३-१ गोलको पुनरागमन जित निकालेको हो ।
यससँगै शीर्ष स्थानको सिटीले चार खेलमा शतप्रतिशत जित निकाल्दै १२ अंक बनाएको छ । यता हालान्डले नयाँ सिजनको प्रिमियर लिगमा चार खेल खेल्दा नौ गोल पुर्याएका छन् ।
