१५ असोज , काठमाण्डौ ।
कप्तान शुभमन गिलको कीर्तिमानी अविजित दोहोरो शतकको मद्दतमा भारतले वेस्ट इन्डिजविरुद्ध एकदिवसीय क्रिकेटमा इतिहासकै दोस्रो ठूलो सफल रन पछ्याउने कीर्तिमान बनायो ।
वेस्ट इन्डिजले दिएको ४०६ रनको लक्ष्य भारतले ४३.३ ओभरमा ५ विकेट गुमाएर पूरा ।
गिलले १३३ बलमा अविजित २२३ रन बनाए।
उनले ११७ बलमै दोहोरो शतक पूरा गर्दै एकदिवसीय क्रिकेटमा सबैभन्दा छिटो २०० रन बनाउने कीर्तिमान बनाए।
सफल रन पछ्याउने क्रममा उनको २२३ रन एकदिवसीय क्रिकेटमा सर्वाधिक व्यक्तिगत स्कोरसमेत बन्यो ।
ओपनर रोहित शर्माले ७५ बलमा १०१ रन बनाएर ३५औँ एकदिवसीय शतक पूरा गरे।
उनले यही क्रममा एकदिवसीय क्रिकेटमा १२ हजार रनसमेत पूरा गरे।
यसअघि वेस्ट इन्डिजले ७ विकेटको क्षतिमा ४०५ रन बनाएको थियो।
जोन क्याम्पबेलले १०१, शाइ होपले १०४ र अमिर जाङ्गुले ११४ रन बनाए।
यो वेस्ट इन्डिजको पुरुष एकदिवसीय क्रिकेटमा पहिलोपटक ४०० रन पार गरेको खेल हो।
भारतका कुलदीप यादवले २ विकेट लिँदै एकदिवसीय क्रिकेटमा २०० विकेट पूरा गरे।
