२६ कार्तिक , काठमाण्डौ ।
संखुवासभाको खाँदबारी नगरपालिका–४, सेकाहामा चट्याङ लागेर दुईजना घाइते ।
बुधबार साँझ करिब ६ः३० बजे वर्षासँगै आएको हावाहुरी र चट्याङका कारण घरमै बसिरहेका स्थानीय दुईजना घाइते भएको प्रहरीको भनाइ ।
जिल्ला प्रहरी कार्यालय संखुवासभाका अनुसार घाइते हुनेमा ५३ वर्षीय गणेशप्रसाद गुरुङ र २२ वर्षीय सविन गुरुङ छन्।
गणेशप्रसाद स्थानीय बासिन्दा हुन् भने सविन मकालु गाउँपालिका–५ घर भई हाल खाँदबारी नगरपालिका–४ स्थित मामाघरमा बस्दै आएका थिए।
प्रहरीका अनुसार चट्याङ लागेर गणेशप्रसादको निधार र दायाँ हातमा चोट लागेको छ भने सविनको बायाँ हातमा चोट लागेको उल्लेख ।
घाइते दुवैजनाको जिल्ला अस्पताल संखुवासभा, खाँदबारीमा उपचार हुँदै ।
