काठमाडौं, वैशाख ८
लुम्बिनी जनरल इन्सुरेन्सको आयोजनामा बैशाख ६ र ७ गते रोयल नेपाल गल्फ क्लब एयरपोर्टमा भएको गल्फ प्रतियोगिताको उपभाधि फिनिस्टो वांग्दी लामाले जितेका छन् । त्यस्तै सुपर सिनियर खेलाडी मेजर विजय मोक्तान घोषित भए ।
युवा र प्रौढ गरि दुई समूहमा विभाजन गरिएको उक्त टुर्नामेन्टमा ९७ जना खेलाडीको सहभागिता थियो । जसमा १२ जना साना र ८५ जना सिनियर खेलाडीहरु थिए । विजयी खेलाडीहरुलाई रोयल नेपाल गल्फका अध्यक्ष प्रचण्डबहादुर श्रेष्ठ, इन्सुरेन्सका अध्यक्ष मनोहरदास मुल र कम्पनीका सिइओ नुरप्रकाश प्रधानले उत्कृष्ट खेलाडीहरुलाई अर्वाड हस्तान्तरण गरेका थिए ।
विसं २०६१ सालमा स्थापित लुम्बिनी जनरल इन्सुरेन्सले फेयर अण्डर राइटिङ्ग, स्मार्ट क्लेम सर्भिस र क्वालिटी म्यानेजमेन्टमा आइएसओ प्रमाणित मान्यता प्राप्त गरेको छ । कम्पनीले ४५ शाखामार्फत ग्राहकहरुलाई सुबिधा उपल्ब्ध गराउदै आएको कम्पनीका प्रमुख कार्यकारी अधिकृत प्रधानले बताए ।
