एजेन्सी, बैशाख १०
भारतमा लोकसभाको तेस्रो चरणको मतदान सुरु भएको छ । भारतका १३ राज्य र दुई केन्द्र प्रदेशका ११६ लोकसभा सिटका लागि आज मतदान भइरहेको छ । प्रधानमन्त्री नरेन्द्र मोदीले पनि गुजरात पुगेर आज मतदान गरेका छन् ।
भोट हाल्न जानुअघि प्रधानमन्त्री मोदीले आमााबट आशीर्वाद लिएका छन् । यो चुनावलाई धेरै चासोका साथ हेरिएको छ । भाजपा अध्यक्ष अमित शाह, कांग्रेस अध्यक्ष राहुल गान्धी, जया प्रदा र आजम खानसहितका नेताको भविस्य निर्धारण गर्ने भएकाले चासोकासाथ हेरिएको हो । गत अप्रिल ११ बाट सुरु भएको निर्वाचन ७ चरण पार गर्दै मे १९ मा सकिँदैछ। चुनावको मतगणना भने मे २३ बाट सुरु हुनेछ ।
