विराटनगर, बैशाख २०
विराटनगरका अग्रज पत्रकार मोहन भण्डारी पुरस्कृत भएका छन् । २६ औ विश्व प्रेस स्वतन्त्रता दिवसको अवसरमा आज पत्रकार महासंघ मोरङ शाखाले विराटनगरमा आयोजना गरेको कार्यक्रममा स्थानीय उद्घोष दैनिकका प्रधान सम्पादक भण्डारीलाई भवानीप्रसाद जिवादेवी रेग्मी स्मृति पत्रकारिता पुरस्कारबाट सम्मान गरिएको हो ।
सम्पादक भण्डारीलाई एक नम्बर प्रदेश प्रमुख प्राध्यापक डाक्टर गोविन्दबहादुर तुम्बाहाङले नगद ४१ हजार १ सय एक रुपैया र सम्मानपत्र सहित सम्मान गरे । पत्रकारिता क्षेत्रमा लामो समय सकृय रहेका हेमराज रेग्मी परिवारले मातापिताको नाममा यसै वर्ष कोषको स्थापना गरेका थिए । कोषले हरेक वर्ष मे–३ अर्थात विश्व प्रेस स्वतन्त्रता दिवसका अवसरमा मोरङ जिल्लामा कार्यक्षेत्र रही कम्तीमा १५ वर्ष पत्रकारिता गरेका व्यक्तिलाई पुरस्कृत गर्नेछ ।
