विराटनगर, १६ जेठ
विराटनगरका पत्रकार मीनकुमार नवोदित युरोप भ्रमणमा जाने उद्योगीको टोलीमा परेका छन् । एफएनसीसीआईको युरोप जाने टोलीमा कारोबार दैनिकका प्रदेश–१ संयोजक नवोदित परेका हुन् ।
टोली यही जुन ३ तारिख युरोप जाँदैछ । नेपालमा लगानी भित्र्याउन टोलीले युरोपका ६ देशका उद्योगी व्यवसायीसित वि टु वि अर्थात् विजनेस टु विजनेस मिटिङ गर्नेछ । टोलीले युरोपका स्वीजरल्याण्ड, जर्मनी, फ्रान्स, बेल्जियम, नेदरल्याण्ड र इटालीको भ्रमण गर्नेछ । ६ वटै मुलुकका प्रमुख पर्यटकीयस्थलहरूको अध्ययन अवलोकन भ्रमण गर्ने कार्यक्रमसमेत रहेको जनाइएको छ । सन् २०२० मा २० लाख पर्यटकका साथै वैदेशिक लगानी भित्र्याउने सरकारको लक्ष्यलाई सहयोग गर्न टोली युरोप जान लागेको जनाइएको छ । टोलीले युरोपका गैरआवासीय नेपाली संघ र नेपाली समुदायसँग समेत छलफल तथा अन्तरक्रियासमेत गर्नेछ ।
युवा साहित्यकारसमेत रहेका नवोदित कारोबार दैनिकको स्थापनादेखि नै तत्कालीन पूर्वाञ्चल र हाल प्रदेश–१ संयोजकका रुपमा कार्यरत छन् । उनी डेढ दशकभन्दा लामो समयदेखि आर्थिक पत्रकारिता गर्दै आएका छन् । पत्रकार नवोदित मकालु टेलिभिजनको सहसम्पादकका रुपमा समेत कार्यरत छन् ।
