८ असोज, काठमार्डाैँ ।
एक दिवसिय अन्र्तराष्ट्रिय क्रिकेट (वान डे) को वरियता नेपाल पुन खस्किएको छ ।अन्तर्राष्ट्रिय क्रिकेट परिषद (आईसीसी)ले बुधबार सार्वजनिक गरेको नयाँ वरियतामा नेपाल २ स्थान तल झदैं १७ औं स्थानमा पुगेको हो ।
नेपाल यसअघि १५ औं स्थानमा थियो । नेपाल ८ खेलमा १ सय ५२ अंक र १९ रेटिङका साथ १७ औं स्थानमा पुगेको हो । अहिले नयाँ वरियता अनुसार १५ औं स्थानमा नामिबिया रहेको छ ।
नयाँ वरियता अनुसार भारतलाईपछि पार्दै इंग्ल्यान्ड शीर्ष स्थानमा उक्लिएको छ । दोस्रो स्थानमा भारत,तेस्रो स्थानमा न्युजिल्यान्ड र चौथो स्थानमा अष्ट्रेलिया छ । नेपाल टि ट्वान्टी वरियतामा भने नेपाल ११ औं स्थानमा यथावत छ ।
वान डे मान्यता यता नेपालले हालसम्म ६ वान डे खेल खेलेको छ । पछिल्लो समय नेपालले गत माघमा यूएईसँग ३ वान डे सिरिज खेल्दै २–१ ले जितेको थियो ।
