विराटनगर,असार २३
उद्योग संगठन मोरङका नवनिर्वाचित अध्यक्ष भीम घिमिरेसहित उहां नेतृत्वको कार्यसमितिलाई पदस्थापन गराइएको छ । संगठन परिसरमा शुक्रबार अपरान्ह आयोजित कार्यक्रमकाबीच अध्यक्ष घिमिरे सहित उनको नेतृत्वको कार्यसमितिलाई पदस्थापन गराइएको छ ।
पूर्वप्रधानमन्त्री एवम नेकपाका बरिष्ठ नेता माधवकुमार नेपाल र संघीय मामिला तथा सामान्य प्रशासन मन्त्री लालबाबु पण्डित सहित प्रदेश एकका मन्त्री, सांसद तथा उच्चपदस्थ सुरक्षा अधिकारीहरुको उपस्थितिमा घिमिरे नेतृत्वको कार्यसमितिलाई पदस्थापन गराइएको छ । उद्योग संगठनको ४६ औं साधारणसभाबाट अध्यक्षमा घिमिरे सहित १३ सदस्यिय कार्यसमिति निर्विरोध निर्वाचित भएको थियो ।
समितिको वरिष्ठ उपाध्यक्षमा सुयष प्याकुरेल, उपाध्यक्षमा (कोष) मा प्रदीप मुरारका, उपाध्यक्ष (कृषि, जलस्रोेत र ऊर्जा) मा राजकुमार गोल्छा र उपाध्यक्ष (रोजगारदाता) मा राकेश सुराना निर्विरोध निर्वाचित भएका छन् । त्यसैगरी कार्यकारिणी समिति सदस्यहरूमा संजयकुमार अग्रवाल, सुबोध कोइराला, भोलेश्वर दुलाल, तारानाथ निरौला, सुनिलकुमार धनावत, नारायणप्रसाद मुन्दडा, विपिन काबरा, विनोद पौडेल निर्विरोध निर्वाचित भएका छन् ।
नवनिर्वाचित अध्यक्ष घिमिरेले संगठनको विधान अनुसार १ महिलासहित चार जनालाई आजै मनोनयन गरेका छन् । यसरी मनोनय गरिनेहरुमा उद्योगि नन्दकिशोर राठी,सुरेन्द्र गोल्छा,इन्द्र खत्री राजन र प्रतिभा रिजाल रहेका छन् । पदभार ग्रहण गर्दै नवनियुक्त अध्यक्ष घिमिरेले आफ्ना भावी कार्ययोजना र प्रतिबद्धता प्रस्तुत गरेका थिए ।
