साउन २५ : जारी क्यारेबियन प्रिमियर लिगमा नेपाली क्रिकेटर सन्दीप लामिछानेले उत्कृष्ट प्रदर्शन गर्दै दुई विकेट लिएका छन् ।उनले ४ ओभर बलिङ गर्दै १२ रन दिएर दुई विकेट लिएका हुन् ।
सन्दीप सम्मिलित सेन्ट नेभिस एण्ड प्याट्रिओट्स र गुएना अमेजन वारियर्सबीचको भर्खरै सम्पन्न खेलमा प्याट्रिओट्स भने ६ विकेटले पराजित भएको छ । पहिले ब्याटिङ गरेको प्याट्रिओट्सले ५ विकेटको गुमाउँदै १४६ रन बनायो । उसका लागि क्याप्टेन क्रिस गेलले ६५ बल खेल्दै सर्वाधिक ८६ रन बनाएका थिए ।
प्याट्रिओट्सले दिएको १४७ रनको लक्ष्य अमेजन वारियर्सले २१ बल बाँकी छँदै ४ विकेट गुमाएर भेट्टायो । सन्दीपले उत्कृष्ट प्रदर्शन गर्दै क्याक वाल्टन र जेएन मोहम्मदको विकेट लिए भने अन्य बलरले त्यती राम्रो प्रदर्शन गर्न सकेनन् ।
