विराटनगर, साउन २७
क्यारेवियन प्रिमियर लिग सीपीएलमा नेपाली युवा स्पिनर सन्दीप लामिछानेको टोलीले पहिलो जित निकालेको छ । आइतबा।र भएको खेलमा लामिछानेको टोलि सेन्ट किट्स एण्ड नेभिस प्याट्रियट्सले पहिलो जित हासिल गरेको हो । उनसले ट्रिनबागो नाइट राइडर्सलाई ४२ रनले पराजित गरेको हो ।
टस हारेर पहिले ब्याटिङ् गरेको सेन्ट किट्सले निर्धारीत ओभरमा ७ विकेटको क्षतिमा २ सय ३ रन बनाएको थियो । उसका लागि डेभोन थोमसले सर्बाधीक ५८ रन बनाए ।
त्यस्तै कप्तान तथा ओपनर क्रिश गेलले ३५ रन बनाउँदा दशौं नम्बरमा आएर ब्याटिङ् गरेका कार्लोस ब्रेथवेइटेले विस्फोटक ब्याटिङ गर्दै १ चौका र ५ छक्का सहित १५ बलमा ४१ रन प्रहार गरे । सेन्टस किट्सका लागि बेन कटिंगले पनि अविजित २५ रन बनाए । बलिंगतर्फ ट्रिनबागका अली खानले ३ विकेट लिए ।
२ सय ४ रनको लक्ष्य पछ्याएको ट्रिनबागोले निर्धारित ओभरमा ८ विकेट गुमाएर १ सय ६१ रनमात्र बनाउन सक्यो । र उसका लागि कोलिन मुनरोले ३५, डरेन ब्राभोले ४१ र केभिन कुपरले अविजित ४२ रन बनाउनुबाहेक अन्यले गतिलो रन बनाउन सकेनन् ।
बलिंगतर्फ नेपालका सन्दीप लामिछानेले १ विकेट लिए । चौथो ओभर बलिंग गरेका सन्दीपले विकेट मेडन ओभर लिएका थिए । उनले ट्रिनबागोा ओपनर क्रिश लिनलाई बोल्ड गरेका थिए । सन्दीपका अलावा कार्लोस ब्रेथवेइटे, बेन कटिंग र जेरेमी लुइसले २–२विकेट लिए ।
