काठमाडौं, भदौ ३
विप्लव नेतृत्वको नेकपाका प्रवक्ता खड्गबहादुर विश्वकर्मा ‘प्रकाण्ड’लाई तीन दिन थुनामा राख्न अदालतले अनुमति दिएको छ । प्रहरीले ७ दिन थुनामा राख्न अनुमति मागेको भए पनि जिल्ला अदालत काभ्रेले उनलाई तीन दिन मात्र थुनामा राख्न अनुमति दिएको हो ।
हेटौंडाबाट काठमाडौं आउँदै गर्दा टौदहबाट पक्राउ परेका प्रकाण्डलाई सर्वाेच्च अदालतले बन्दी प्रत्यक्षीकरण रिटमा रिहा गरे लगत्तै अर्काे मु्द्धामा उनलाई प्रहरी पक्राउ गरेको थियो । उनीमाथि काभ्रेको एक क्रसर उद्योगमा आक्रमण गरेको अभियोग लगाइएको छ ।
काभ्रेको नमोबुद्ध–६ स्थित उक्त क्रसर उद्योगमा आक्रमण गरेको अभियोगमा अनुसन्धान गर्न प्रहरीले ७ दिनको समय माग गरे पनि जिल्ला अदालत काभ्रेले ३ दिनको समय दिएको हो । आक्रमणबाट २ स्काभेटर, एउटा जेसीबी, ४ वटा ट्रिपर र एउटा जेनेरेटर जलेका थिए ।
