१७ साउन, काठमाण्डौ ।
विराटनगर नाका गाँजा तस्करीको सजिलो ‘ट्रान्जिट’ बन्दै गएको छ।भारत लैजान ठिक्क पारिएको अवस्थामा विराटनगर क्षेत्रबाट बाक्लै रूपमा गाँजा बरामद हुन थालेको घटनाले यस्तो देखाएको हो।पूर्वी नेपालका पहाडी जिल्लामा उत्पादन हुने गाँजा भारतमा महँगो मूल्यमा बिक्री वितरण हुने भएकोले यसको तस्करी हुँदै आएको छ। बारीमा किसानले १ किलोको २५ सयदेखि चार हजार रुपैयाँसम्म पाउँछन्।
विराटनगर आइपुग्दा प्रतिकेजी २० हजार पुग्ने यसको मुल्य भारतीय बजार पुग्दा ४० देखि ५० हजारसम्मको हुने भएकाले तस्करी बढेको सुरक्षा क्षेत्रका जानकार बताउँछन्।आर्थिक फाइदाको लोभमा जोखिम मोलेर गाँजा तस्करी गर्ने सक्रिय बनेका हुन्। गएको शुक्रबार मात्रै ठूलो परिमाणको गाँजा बरामद भएको विराटनगरमा गए राति ३६ केजी गाँजा प्रहरीले फेरि बरामद गरेको छ।संयोग के छ भने, दुवैपटक गाँजा समातिएको लोकेसन उस्तै छ।
गत शुक्रबार राति बन्दा बोकेर भारततिर जान लागेको ट्रकबाट प्रहरीले ६ बोरा अर्थात १५६ केजी गाँजा बरामद गरेको थियो। माथि बन्दा र तल गाँजा लोड भएको ट्रक प्रहरीले नियन्त्रणमा लिएको तीन दिनपछि अर्थात सोमबार राति रानी नाकाबाटै १५६ केजी बरामद भएको मोरङ प्रहरीले जनाएको छ।
इलाका प्रहरी कार्यालय रानीले गाँजासहित २५ वर्षीय मुकेश गुरूङलाई पक्राउ गरेको छ। प्रहरीले पक्राउ परेका गुरुङ भरिया भएको बताएको छ। उनले निश्चित रकम पाउने लोभमा तस्करीको गाँजा गन्तव्यसम्म पुर्याउने जिम्मा लिएका थिए। प्रहरीले बरामद गरेको गाँजा इप्रका रानीबाट करिब ७ किलोमिटर पूर्व पर्छ।