१२ माघ, एजेन्सी ।
क्याटलान क्लब बार्सिलोना स्पेनिस कोपा डेल रेको सेमिफाइनलमा प्रवेश गरेको छ । बार्सिलोनाले १० खेलाडीमा समेटिएको रियल सोसिडाडलाई क्वाटरफाइनलमा १–० ले पराजित गर्दै अन्तिम चारमा स्थान सुरक्षित गरेको हो । बार्सिलोनाको जितमा औसमान डेम्बेलाले निर्णायक गोल गरे ।
फ्रान्सेली फरवार्डले ५२ औं मिनेटमा गरेको गोल नै बार्सिलोनाका लागि जित बन्यो । खेलको अन्त्यतिर सोसिडाड १० खेलाडीमा सीमित भएको थियो । ब्राइस मेन्डेज रातो कार्ड खाएर मैदान छाड्न बाध्य रहे । यो जितसँगै यस सिजन बार्सिलोनाको उत्कृष्ट लय कायम रह्यो ।
सन् २०२३ को सुरुमै स्पेनी सुपरकप जितेको बार्सिलोनालाई स्पेनी ला लिगामा रियल म्याड्रिडमाथि शीर्ष स्थानमा तीन अंकको अग्रता छ । अब कोपा डेल रेमा पनि बार्सिलोना अन्तिम चारमा पुगेको छ । यस्तै अर्को खेलमा सेभियालाई अतिरिक्त समयमा २–१ ले पराजित गर्दै ओसासुना पनि कोपा डेल रे को सेमिफाइनलमा प्रवेश गरेको छ ।
घरेलु मैदानमा एजेक्वेएल एखिभालले ७१औं मिनेटमा गोल गर्दै ओसासुनालाई अग्रता दिलाएका थिए । तर युसु एन नेस्रीले इन्जुरी टाइममा गोल गर्दै खेल बराबरीमा पु¥याए । बार्सिलोनाबाट लोनमा गएका विंगर अब्डे एज्जालजोउलीले ९९औं मिनेटमा निर्णायक गोल गर्दै ओसासुनालाई जिताए ।
आज राति आज दुई क्वाटरफाइनलमा प्रतिस्पर्धा हुँदैछ । राति १२ः४५ बजे भ्यालेन्सिया र एथलेटिको बिल्वाओ र १ः४५ बजे रियल म्याड्रिड र एट्लेटिको मड्रिडबीच प्रतिस्पर्धा हुँदैछ । यता प्रिमियर लिग क्लब म्यानचेस्टर युनाइटेडले इएफएल अर्थात कारवाओ कपको सेमिफाइनलको पहिलो लेगमा सहज जित हात पारेको छ ।
युनाइटेडले प्रिमियर लिग प्रतिद्धन्द्धी नटिङहम फरेस्टमाथि उसकै मैदानमा ३–० को सहज जित हात पार्दै फाइनल पुग्ने सम्भावना बलियो बनाएको छ । दि सिटी ग्राउण्ड नटिङहममा बुधबार राति भएको खेलमा युनाइटेडको सहज जितमा मार्कस रासफर्ड, वोउट वेगह्रष्ट र बु्रनो फर्नान्डेसले गोल गरे ।
दोस्रो लेगको खेल एक सातापछि युनाइटेडको मैदानमा हुनेछ । अर्काे सेमिफाइनलको पहिलो लेगमा न्यूक्यासल युनाइटेडले साउथह्याम्टनलाई १–० ले पराजित गरेको छ । दोस्रो लेग अर्काे साता नै हुनेछ । फाइनल २६ फेब्रुअरीमा हुनेछ ।
