२० असार, एजेन्सी ।
अष्ट्रेलियाको क्यानबेरामा रहेको संसद भवनको छतमा प्यालेस्टाइन समर्थक प्रदर्शनकारीले हंगामा मच्चाएका छन् । अन्तराष्ट्रिय संचारमाध्यामका अनुशार बिहीबार बिहान, चार प्यालेस्टिनी समर्थक प्रदर्शनकारीहरूको एउटा समूह संसद भवनको छतमा चढ्यो, जहाँ उनीहरूले भवनको अगाडि ब्यानर झुण्ड्याएका थिए ।
ब्यानरमा सरकार युद्ध अपराधमा संलग्न रहेको आरोप लगाइएको छ । छतबाट ओर्लिएपछि प्रदर्शनकारीहरूलाई अष्ट्रेलियाको संघीय पुलिस र अस्ट्रेलियाको राजधानी क्षेत्रका प्रहरी अधिकारीहरूले हिरासतमा लिएको सिन्ह्वा समाचार एजेन्सीले जनाएको छ। एक विज्ञप्ति जारी गर्दै प्रहरीले तीन पुरुष र एक महिलालाई गिरफ्तार गरिएको र उनीहरूलाई घुसपैठको आरोप लाग्ने सम्भावना रहेको बताएको छ।
“अरूलाई जोखिममा पार्ने कुनै पनि प्रकारको विरोधको सार्वजनिक भवनहरुमा प्रर्दशनका लागि कुनै ठाउँ छैन, यस प्रकारको विरोधको लागि कुनै ठाउँ छैन,“ उपप्रधानमन्त्री तथा रक्षामन्त्री रिचार्ड मार्लेसले संसद भवन भित्र पत्रकार सम्मेलनमा भनेका छन्। इजरायल र प्यालेस्टाइनबीच विगत ९ महिनादेखि युद्ध चलिरहेको छ ।
यस युद्धका कारण विभिन्न देशमा उनीहरुका समर्थकहरुले विरोध प्रदर्शन गरिरहेका छन् । धेरै देशहरूमा प्रदर्शनकारीहरूले विरोध गरिरहेका छन्। यही क्रममा अष्ट्रेलियाको क्यानबेरामा रहेको संसद भवनको छतमा केही प्रदर्शनकारीले चर्को विरोध गरेका हुन् । प्रदर्शनकारीले सरकारले युद्ध अपराध गरेको आरोप पनि लगाएका छन् । यसअघि अमेरिकी विश्वविद्यालयमा पनि प्यालेस्टानको समर्थनमा ब्यापक प्रर्दशन भएको थियो ।
